Tuesday, March 5, 2024
Home सामाजिक गोरगरिबांच्या चेहर्‍यावर फुलला आनंद ! निलेश देव मित्र मंडळाच्या उपक्रमाने मेळघाटात दिवाळी

गोरगरिबांच्या चेहर्‍यावर फुलला आनंद ! निलेश देव मित्र मंडळाच्या उपक्रमाने मेळघाटात दिवाळी

अकोला दिव्य न्युज ब्युरो : मेळघाटातील चिखलदरा तालुक्यातील अढाव, पोपटखेड, शहानुर आणि भिमकुंड या ४ गावांमध्ये निलेश देव मित्र मंडळाच्या ‘दिवाळी भेट ‘ उपक्रमातून कपडे व इतर वस्तू मिळाल्याने या चार गावांमध्ये गोरगरीब नागरिकांच्या चेहर्‍यावर आनंद हास्य पाहायला मिळाले.
सामाजिक कार्यामध्ये नेहमी विविध लोकोपयोगी समाज हिताचे आगळेवेगळे उपक्रम राबविणार्‍या अ‍ॅड. धनश्री देव स्मृती सेवा प्रकल्प द्वारा संचालित निलेश देव मित्र मंडळाने ‘जुने कपडे संकलन शिबिर’ आयोजित करून या शिबिरात प्राप्त झालेले कपडे आज शनिवारी मेळघाटातील अढाव, पोपटखेड, शहानुर आणि भिमकुंड या चार गावांमधील गोरगरिबांना मोफत वाटप केले.

गेल्या २५ ऑक्टोबर रोजी निलेश देव मित्र मंडळाचे प्रमुख निलेश देव यांनी अकोलेकरांना आवाहन करून त्यांच्याकडील जुने परंतु चांगले वापरण्या योग्य कपडे जमा करण्याचे आवाहन केले होते. निलेश देव यांच्या आवाहनाला अकोलेकरांनी भरभरून प्रतिसाद दिला.तब्बल दोन मिनी ट्रक भरून कपडे गोळा झाले. इतर कपडे व वस्तू मेळघाट मधील चार गावांमध्ये गोरगरीब नागरिकांना शनिवारी वाटप करण्यात आले.
कपडे मेळघाटात पोहोचविण्यासाठी सकाळी सातव चौकातून दोन संकल्प रथ प्रा.अंजलीताई आंबेडकर यांनी रवाना केले.यावेळी लायन्स क्लब ऑफ मिडटाऊन गोल्डच्या अध्यक्षा अनीता उपाध्याय, कैलास बिचकुडे, डॉ.अशोक ओळबे, नम्रता अग्रवाल अध्यक्ष लिनेस क्लब ऑफ अकोला, विनोद देव यांच्या संपुर्ण चमुची उपस्थिती लाभली होती. अढाव या गावातील प्रत्येक घरात कपडे, फराळ, फटाके, चपला जोड वाटप केले. यावेळी अढाव गावच्या सरपंचा जसमाय छोटालाल मावसकार व पोलिस पाटील राजाराम बाबुलाल मावसकार यांच्या उपस्थितीत निलेश देव मित्र मंडळाचे निलेश देव, जयंत सरदेशपांडे, रामहरी डांगे,मिलिंद देव,मंगेश देशमुख, राजु गुन्नलवार, श्रीराम उमरेकर, निलेश पवार, अजय शास्त्री, मंगेश देशमुख, विजय वाघ, सोनू मोटे, रविंद्र मेश्राम, गणेश मैराळ, भास्कर बैतवार, नरेंद्र परदेसी, रमेश खिलोसिया, आशु यादव, शशि हिवरखेडकर, प्रसाद देशपांडे, हरिशचंद्र राठोड, अंकुश तिरपुडे, सांबाजी हे सदस्य उपस्थित होते.

या उपक्रमासाठी मेळघाटातील गोरगरिबांनी निलेश देव यांचे आभार व्यक्त केले. तर अकोल्यातील मान्यवरांकडून निलेश देव यांचे कौतुक होत आहे. माजी नगरसेविका अ‍ॅड. धनश्री देव यांच्या स्मृती प्रित्यर्थ तुकाराम कॅन्सर हॉस्पीटल येथे सर्व रुग्ण व नातेवाईकांसाठी एक दिवसाची जेवणाची सोय करण्यात आली आहे. तसेच रुग्णांना शाल, साडी, ब्लँकेट यांचे वाटप करण्यात आले आहे. त्याच बरोबर दिवाळी साहित्य विक्रीसाठी आलेल्या महिलांना नव्या कोर्‍या साड्यांचे वाटप करण्यात आले आहे. आज या उपक्रमास भगवी पतका फडकवीत शुभेच्छा देण्यात आल्या. रामकृष्ण देव, दिलीप देशपांडे, प्रकाश जोशी, रश्मि देव, शैलेश देव, आशिष तिवारी, राजू कनोजिया, लल्लन मिश्रा यांच्यासह शहरातील विविध मान्यवरांची उपस्थिती होती.

RELATED ARTICLES

५० युवकांनी रक्तदान करुन वाहिली संत रविदास यांना जयंतीदिनी आदरांजली

अकोला दिव्य न्युज ब्युरो : जवळपास 50 रक्तदात्यांनी रक्तदान करुन संत रविदास यांना जयंतीनिमित्त. आगळीवेगळी आदरांजली वाहिली.गुरू रविदास चर्मकार महासंघातर्फे संत रविदास...

अवघ्या साडेपाच वर्षाचा ईशान सौरभ सारडाला राज्यस्तरीय बुद्धिबळ स्पर्धेत उपविजेतेपद !

अकोला दिव्य न्युज ब्युरो : राज्यस्तरीय बुद्धिबळ स्पर्धेत सहभागी जवळपास ३०० स्पर्धकांमध्ये ७ वर्ष वयोगटात शानदार खेळाचे प्रदर्शन करीत अवघ्या साडे पाच...

हरीश आलिमचंदाणींच्या प्रयत्नांना यश ! दिव्यांग मंत्रालयात उच्चस्तरीय समितीचे होणार गठन

अकोला दिव्य न्युज ब्युरो : महाराष्ट्र राज्यातील नवजात शिशूंना थॅलेसिमीया, हिमोफिलीया व सिकलसेलच्या आजारापासून संरक्षण तसेच या आजाराच्या रुग्णांना भेडसावणाऱ्या समस्यांचे...

LEAVE A REPLY

Please enter your comment!
Please enter your name here

Most Popular

महाराष्ट्रातून कोण-कोण ? भाजपची शुक्रवारी बैठक : २३५ उमेदवारांवर विचार होण्याची शक्यता

अकोला दिव्य न्युज ब्युरो : दोन डझन राज्ये आणि केंद्रशासित प्रदेशांमधील उर्वरित सुमारे २३० जागांसाठी उमेदवार निश्चित करण्यासाठी भाजपच्या केंद्रीय निवडणूक समितीची...

अमित शाह अकोल्यात ! उद्या मंगळवारी सहा लाेकसभा मतदार संघांचा घेणार आढावा

अकोला दिव्य न्युज ब्युरो : आगामी एप्रिल महिन्यात हाेऊ घातलेल्या लाेकसभा निवडणुकीसाठी भाजपाने संचलन समिती गठीत केली आहे. या समितीकडून लाेकसभा मतदार...

अकोल्यात विना वारसदारांची संपत्ती लूटणारी टोळी सक्रीय ! बनावट मृत्यूपत्र व खोटी तक्रारींचा आधार

अकोला दिव्य न्युज ब्युरो : शहरातील प्रतिष्ठीत, उच्चभ्रू वस्तीतील वारसदार नसलेली कोट्यावधी रुपयांची संपत्ती बनावट दस्तावेज करून हडपणारी टोळी अकोल्यात...

बच्चू कडू यांच्यासाठी चक्क कायद्यात बदल ! हा निर्णय सहकार चळवळीच्या मुळावर उठणारा

अकोला दिव्य न्युज ब्युरो : महाराष्ट्रातील महायुती सरकारचा घटकपक्ष असलेल्या प्रहार संघटनेचे अध्यक्ष आमदार बच्चू कडू यांचे अमरावती जिल्हा मध्यवर्ती बँकेतील अध्यक्षपद...

Recent Comments

error: Content is protected !!