Saturday, March 2, 2024
Home सामाजिक स्वराज फाउंडेशनचा उपक्रम ! रद्दी विकून उपेक्षित वंचितांची केली दिवाळी साजरी

स्वराज फाउंडेशनचा उपक्रम ! रद्दी विकून उपेक्षित वंचितांची केली दिवाळी साजरी

अकोला दिव्य न्युज ब्युरो : गत १८ वर्षांपासून अकोला शहरातील एक अवलिया गोरगरीब, वंचित, उपेक्षित जणांची दिवाळी साजरी करीत आहे. दरवर्षीप्रमाणे या वर्षीही संकलित झालेल्या रद्दीच्या विक्रीतून मिळालेले पैसे व काही दात्यांच्या सहकार्याने स्वराज फाउंडेशनचे पुरुषोत्तम शिंदे यांनी गरजूंना नवे कपडे व फराळाचे वाटप करून त्यांची दिवाळी गोड केली. पुरुषोत्तम शिंदे यांनी वंचितांची दिवाळी साजरी करण्याचा ध्यास घेतला असून, गत १८ वर्षांपासून ते हा उपक्रम राबवीत आहेत.

स्वराज फाउंडेशनच्या हाकेस ओ देऊन अकोलेकरांनी सात रद्दी संकलन केंद्रांवर रद्दी जमा केली. दिवाळीपर्यंत तब्बल ५००० किलो रद्दी संकलित झाली. ही रद्दी विकून मिळालेल्या पैशांतून साडी, लुगडे, धोतर व लहान मुलांचे कपडे खरेदी केले.तसेच काही सेवाभावी संस्था आणि व्यक्तींच्या सहकार्याने दिवाळीचा फराळ व कपडे खरेदी करून ते गरजूंना वितरित करण्यात आले.

स्वराज फाउंडेशनने रद्दी विकून मिळालेल्या पैशांतून साडी, लुगडे, धोतर व लहान मुलांचे कपडे खरेदी केले. सलग तीन दिवस शहरातील विविध भागांत जाऊन गोरगरीब व गरजूंना या कपड्यांचे वितरण करण्यात आले. दरवर्षीप्रमाणे आपल्या सहकाऱ्यांसोबत दिवाळीच्या आदल्या दिवशी जठारपेठ भागातील गजानन महाराज मंदिर परिसर, मोठी उमरी स्मशानभूमीमागचा परिसर, सातव चौक, जिल्हा स्त्री-रुग्णालय, सर्वोपचार रुग्णालय परिसर, अनिकट, गरजूंना कपडे व फराळाचे वितरण करण्यात आले.

लक्ष्मीपूजन व भाऊबीजेच्या दिवशीही शहरातील विविध ठिकाणी हा उपक्रम राबविण्यात आला. पुरुषोत्तम शिंदे यांना या कामात संदीप दाभाडे, शंतनू शिंदे, अक्षय खाडे, सचिन व स्वप्निल यांचे सहकार्य लाभले.तसेच जवळपास ७० किलो फराळाचे वितरणही करण्यात आले. या माध्यमातून तब्बल ५५० उपेक्षितांची दिवाळी गोड झाली.

RELATED ARTICLES

५० युवकांनी रक्तदान करुन वाहिली संत रविदास यांना जयंतीदिनी आदरांजली

अकोला दिव्य न्युज ब्युरो : जवळपास 50 रक्तदात्यांनी रक्तदान करुन संत रविदास यांना जयंतीनिमित्त. आगळीवेगळी आदरांजली वाहिली.गुरू रविदास चर्मकार महासंघातर्फे संत रविदास...

अवघ्या साडेपाच वर्षाचा ईशान सौरभ सारडाला राज्यस्तरीय बुद्धिबळ स्पर्धेत उपविजेतेपद !

अकोला दिव्य न्युज ब्युरो : राज्यस्तरीय बुद्धिबळ स्पर्धेत सहभागी जवळपास ३०० स्पर्धकांमध्ये ७ वर्ष वयोगटात शानदार खेळाचे प्रदर्शन करीत अवघ्या साडे पाच...

हरीश आलिमचंदाणींच्या प्रयत्नांना यश ! दिव्यांग मंत्रालयात उच्चस्तरीय समितीचे होणार गठन

अकोला दिव्य न्युज ब्युरो : महाराष्ट्र राज्यातील नवजात शिशूंना थॅलेसिमीया, हिमोफिलीया व सिकलसेलच्या आजारापासून संरक्षण तसेच या आजाराच्या रुग्णांना भेडसावणाऱ्या समस्यांचे...

LEAVE A REPLY

Please enter your comment!
Please enter your name here

Most Popular

अकोल्यात विना वारसदारांची संपत्ती लूटणारी टोळी सक्रीय ! बनावट मृत्यूपत्र व खोटी तक्रारींचा आधार

अकोला दिव्य न्युज ब्युरो : शहरातील प्रतिष्ठीत, उच्चभ्रू वस्तीतील वारसदार नसलेली कोट्यावधी रुपयांची संपत्ती बनावट दस्तावेज करून हडपणारी टोळी अकोल्यात...

बच्चू कडू यांच्यासाठी चक्क कायद्यात बदल ! हा निर्णय सहकार चळवळीच्या मुळावर उठणारा

अकोला दिव्य न्युज ब्युरो : महाराष्ट्रातील महायुती सरकारचा घटकपक्ष असलेल्या प्रहार संघटनेचे अध्यक्ष आमदार बच्चू कडू यांचे अमरावती जिल्हा मध्यवर्ती बँकेतील अध्यक्षपद...

भाजप व्यापारी आघाडी प्रदेश समन्वयकपदी हरीश आलिमचंदाणी यांची निवड

अकोला दिव्य न्युज ब्युरो : महाराष्ट्रातील व्यापार उद्योग क्षेत्रातील विविध समस्या व त्यावरील उपाय योजना लागू करण्यासाठी कार्यरत भारतीय जनता पार्टी व्यापारी...

आज मुंबईत महाविकास आघाडीची बैठक ! वंचित बहुजन आघाडीचा प्रतिनिधी सहभागी होणार

अकोला दिव्य न्युज ब्युरो : आगामी लोकसभा निवडणुकीसाठी जागा वाटपासंदर्भात चर्चा करण्याकरता आणि अंतिम निर्णय घेण्याकरता आज मुंबईत महाविकास आघाडीची बैठक आयोजित...

Recent Comments

error: Content is protected !!