Saturday, March 2, 2024
Home आरोग्य आजारांचे थैमान थांबवण्यासाठी महापालिकेने तातडीने उपाययोजना कराव्या निलेश देव यांची महापालिका आयुक्तांकडे...

आजारांचे थैमान थांबवण्यासाठी महापालिकेने तातडीने उपाययोजना कराव्या निलेश देव यांची महापालिका आयुक्तांकडे मागणी

अकोला- गेल्या दोन दिवसांपासून संपूर्ण शहरामध्ये पाऊस पडत आहे. शिवाय वातावरणात मोठ्या प्रमाणात बदल झालेला आहे. त्यामुळे शहरातील एकंदरीत परिस्थिती पाहता या पावसामुळे शहरात मोठ्या प्रमाणात आजारांचे थैमान निर्माण होण्याची शक्यता नाकारता येत नाही. ही बाब लक्षात घेऊन महापालिका प्रशासनाने आजारांचे थैमान व रोगराई थांबविण्यासाठी तातडीने उपाययोजना कराव्या, अशी मागणी निलेश देव मित्र मंडळाचे प्रमुख सामाजिक कार्यकर्ते निलेश देव यांनी महापालिका आयुक्तांकडे केली आहे.

शहराच्या विविध भागांमध्ये गेल्या दोन दिवसांत झालेल्या पावसामुळे मोठ्या प्रमाणात पाण्याचे डबके साचलेले आहेत. रस्त्यांवर, रस्त्यांच्या बाजूला, खुल्या भूखंडांमध्ये मोठ्या प्रमाणात पाण्याचे डबके साचलेले आहेत. तसेच रस्त्यांवर चिखल निर्माण होऊन अनेक ठिकाणी रस्ते निसरडे झाले आहेत. त्यामुळे अपघातांची शक्यता वाढलेली आहे. नाल्या तुंबलेल्या असल्याने पावसाचे पाणी वाहून गेले नाही. परिणामी नालीतील घाण पाणी रस्त्यावरून अनेक ठिकाणी वाहिले. त्यामुळे दुर्गंधी पसरून परिसरातील वातावरण खराब झालेले आहे. काही ठिकाणी नाल्या खोदून ठेवलेल्या आहेत, त्या ठिकाणी तर पाणीही वाहून गेले नाही आणि खोदून ठेवलेली माती पावसाच्या पाण्याने रस्त्यावर पसरल्याने मोठ्या समस्या निर्माण झाल्या आहेत.

शहरात अनेक ठिकाणी कचऱ्याचे ढीग आहेत. या कचऱ्यावर पावसाचे पाणी पडून हा कचरा सडून त्यातून मोठ्या प्रमाणात दुर्गंधी व डासांची निर्मिती होत आहे. या सर्व बाबी लक्षात घेता अवकाळी पावसामुळे शहरात येत्या काही दिवसात मोठ्या प्रमाणात डासांच्या प्रादुर्भावामुळे व दुर्गंधीमुळे अस्वच्छतेमुळे मोठ्या प्रमाणात आजारांचे थैमान व रोगराई पसरण्याची शक्यता नाकारता येत नाही. त्यामुळे महानगरपालिकेने तातडीने उपाययोजना करून शहरात स्वच्छता व साफसफाई बाबत काळजी घ्यावी, डासांचा प्रादुर्भाव टाळण्यासाठी प्रत्येक प्रभागात औषध फवारणी, धूर फवारणी करावी, तुंबलेल्या नाल्या दररोज मोकळ्या करण्यात याव्या, अशा मागण्या निलेश देव यांनी महापालिका आयुक्तांकडे केले आहेत.

RELATED ARTICLES

अकोला पालकमंत्री विखे पाटील यांनी दिलेल्या आश्वसनाचा त्यांनाच विसर ?

अकोला दिव्य न्युज ब्युरो : महाराष्ट्राचे गृहमंत्री आणि अकोला जिल्हा पालकमंत्री यांनी अकोला येथील सर्वोपचार रुग्णालयात पार पडलेल्या महाआरोग्य शिबिरात शहरातील...

जेएन 1 घातक नाही, नागरिकांनी घाबरून न जाता काळजी घ्यावी

अकोला दि. 1/1/2024 : अकोला जिल्ह्यात महानगरपालिका कार्यक्षेत्रातील कोरोनाचा एक रुग्ण दि. 7 डिसेंबर रोजी आरटीपीआर चाचणीमध्ये बाधीत आला. त्याचे जिनोम सिक्वीसींगचे...

राम कीट ! हृदयविकाराचा झटका आला, तर ही औषधे जीव वाचवू शकतात

अकोला दिव्य न्युज ब्युरो : हृदयविकाराचा झटका आला तर फक्त 7 रुपयांच्या किटने जीव वाचवू शकते असा दावा कानपूर हार्टडिसीज इन्स्टिट्यूटमधील डॉ.नीरज...

LEAVE A REPLY

Please enter your comment!
Please enter your name here

Most Popular

अकोल्यात विना वारसदारांची संपत्ती लूटणारी टोळी सक्रीय ! बनावट मृत्यूपत्र व खोटी तक्रारींचा आधार

अकोला दिव्य न्युज ब्युरो : शहरातील प्रतिष्ठीत, उच्चभ्रू वस्तीतील वारसदार नसलेली कोट्यावधी रुपयांची संपत्ती बनावट दस्तावेज करून हडपणारी टोळी अकोल्यात...

बच्चू कडू यांच्यासाठी चक्क कायद्यात बदल ! हा निर्णय सहकार चळवळीच्या मुळावर उठणारा

अकोला दिव्य न्युज ब्युरो : महाराष्ट्रातील महायुती सरकारचा घटकपक्ष असलेल्या प्रहार संघटनेचे अध्यक्ष आमदार बच्चू कडू यांचे अमरावती जिल्हा मध्यवर्ती बँकेतील अध्यक्षपद...

भाजप व्यापारी आघाडी प्रदेश समन्वयकपदी हरीश आलिमचंदाणी यांची निवड

अकोला दिव्य न्युज ब्युरो : महाराष्ट्रातील व्यापार उद्योग क्षेत्रातील विविध समस्या व त्यावरील उपाय योजना लागू करण्यासाठी कार्यरत भारतीय जनता पार्टी व्यापारी...

आज मुंबईत महाविकास आघाडीची बैठक ! वंचित बहुजन आघाडीचा प्रतिनिधी सहभागी होणार

अकोला दिव्य न्युज ब्युरो : आगामी लोकसभा निवडणुकीसाठी जागा वाटपासंदर्भात चर्चा करण्याकरता आणि अंतिम निर्णय घेण्याकरता आज मुंबईत महाविकास आघाडीची बैठक आयोजित...

Recent Comments

error: Content is protected !!