Tuesday, March 5, 2024
Home ताज्या घडामोडी Big News : टीएमसीच्या महुआ मोइत्रा यांची खासदारकी रद्द; 'कॅश फॉर क्वेरी'...

Big News : टीएमसीच्या महुआ मोइत्रा यांची खासदारकी रद्द; ‘कॅश फॉर क्वेरी’ प्रकरणात कारवाई 

अकोला दिव्य न्युज ब्युरो : तृणमूल काँग्रेसच्या खासदार महुआ मोइत्रा यांचे लोकसभा सदस्यत्व रद्द करण्याचा निर्णय घेण्यात आला आहे. याबाबतचा ठराव मंजूर झाला असून लोकसभा अध्यक्ष ओम बिर्ला यांनी ही घोषणा केली. १५ ऑक्टोबर २०२३ रोजी खासदार निशिकांत दुबे यांनी खासदार महुआ मोइत्रा यांच्यावर केलेल्या आरोपांमध्ये नीतिमत्ता समितीच्या तपासात तथ्य आढळल्याने मोइत्रा यांचे सदस्यत्व रद्द करण्याचा निर्णय घेण्यात आल्याचे ओम बिर्ला यांनी स्पष्ट केले.

पैसे घेऊन संसदेत प्रश्न विचारल्याचा आरोप निशिकांत दुबे यांनी महुआ मोइत्रा यांच्यावर केला होता. त्यानंतर मोइत्रा यांनी हे आरोप फेटाळले. मात्र उद्योगपती दर्शन हिरानंदानी यांना आपण संसदेचं लॉगिन आणि पासवर्ड दिल्याची कबुली त्यांनी दिली होती. तसंच ‘पोर्टलवरून कुणाला लॉगिन करता येईल, कोण करू शकेल आणि कोण करू शकत नाही, याबाबत कसलाही नियम नाही,’ असं त्यांचं म्हणणं होतं. पंरतु नीतिमत्ता समितीने आज संसदेत आपला अहवाल सादर करत महुआ मोइत्रा यांचे लोकसभा सदस्यत्व रद्द करण्याचा ठराव मांडला. या ठरावाला मंजुरीही देण्यात आली आहे.

काय आहे समितीचा अहवाल?

लोकसभेच्या एथिक्स कमिटीने मोईत्रा यांच्यावर आपला अहवाल तयार केला होता. या समितीने ओम बिर्ला यांच्या आदेशांनंतरच हा चौकशी अहवाल तयार केला होता. सुमारे ५०० पानांचा हा अहवाल आहे. हा अहवाल 6-4 च्या फरकाने मंजूर करण्यात आला होता. मोइत्रा यांच्यावरील आरोप अत्यंत गंभीर मानले आहेत आणि तिचे वर्तन आक्षेपार्ह आणि अनैतिक असल्याचे म्हटले आहे. समितीने सखोल चौकशी अहवाल येईपर्यंत महुआचे संसद सदस्यत्व रद्द करण्याची किंवा त्यांचे सदस्यत्व निलंबित करण्याची शिफारस केली आहे.

खासदारकी गेल्यानंतर काय म्हणाल्या महुआ मोइत्रा?

लोकसभा सदस्यत्व रद्द करण्याचा ठराव मंजूर करण्याच्या निर्णयाविरोधात संताप व्यक्त करत मोइत्रा यांनी म्हटलं आहे की, “माझ्याविरोधात कोणताही पुरावा नाही. मी संसदेत उद्योगपती गौतम अदानी यांचा मुद्दा उपस्थित केला होता आणि भविष्यातही मी त्यावर बोलणार आहे. मी केवळ संसदेचं लॉग इन आणि पासवर्ड शेअर केल्यामुळे माझ्यावर ही कारवाई करण्यात आली आहे. मात्र त्याबाबत कोणताही संसदीय नियम नाही.दरम्यान, महुआ मोइत्रा यांची खासदारकी रद्द करण्यात आल्यानंतर विरोधी पक्षातील खासदारांनी सरकारविरोधात घोषणाबाजी करत वॉकआऊट केल्याचं पाहायला मिळालं.

RELATED ARTICLES

भाजप व्यापारी आघाडी प्रदेश समन्वयकपदी हरीश आलिमचंदाणी यांची निवड

अकोला दिव्य न्युज ब्युरो : महाराष्ट्रातील व्यापार उद्योग क्षेत्रातील विविध समस्या व त्यावरील उपाय योजना लागू करण्यासाठी कार्यरत भारतीय जनता पार्टी व्यापारी...

आज मुंबईत महाविकास आघाडीची बैठक ! वंचित बहुजन आघाडीचा प्रतिनिधी सहभागी होणार

अकोला दिव्य न्युज ब्युरो : आगामी लोकसभा निवडणुकीसाठी जागा वाटपासंदर्भात चर्चा करण्याकरता आणि अंतिम निर्णय घेण्याकरता आज मुंबईत महाविकास आघाडीची बैठक आयोजित...

प्रकाश आंबेडकर मायावतींच्या मार्गाने जाणार नाहीत ! संजय राऊत उवाच

अकोला दिव्य न्युज ब्युरो : उत्तर प्रदेशात मायावतींचा मार्ग वेगळा आहे. कारण त्यांना अप्रत्यक्षपणे भाजपाला मदत करायची आहे. तसेच आम्हाला विश्वास आहे...

LEAVE A REPLY

Please enter your comment!
Please enter your name here

Most Popular

महाराष्ट्रातून कोण-कोण ? भाजपची शुक्रवारी बैठक : २३५ उमेदवारांवर विचार होण्याची शक्यता

अकोला दिव्य न्युज ब्युरो : दोन डझन राज्ये आणि केंद्रशासित प्रदेशांमधील उर्वरित सुमारे २३० जागांसाठी उमेदवार निश्चित करण्यासाठी भाजपच्या केंद्रीय निवडणूक समितीची...

अमित शाह अकोल्यात ! उद्या मंगळवारी सहा लाेकसभा मतदार संघांचा घेणार आढावा

अकोला दिव्य न्युज ब्युरो : आगामी एप्रिल महिन्यात हाेऊ घातलेल्या लाेकसभा निवडणुकीसाठी भाजपाने संचलन समिती गठीत केली आहे. या समितीकडून लाेकसभा मतदार...

अकोल्यात विना वारसदारांची संपत्ती लूटणारी टोळी सक्रीय ! बनावट मृत्यूपत्र व खोटी तक्रारींचा आधार

अकोला दिव्य न्युज ब्युरो : शहरातील प्रतिष्ठीत, उच्चभ्रू वस्तीतील वारसदार नसलेली कोट्यावधी रुपयांची संपत्ती बनावट दस्तावेज करून हडपणारी टोळी अकोल्यात...

बच्चू कडू यांच्यासाठी चक्क कायद्यात बदल ! हा निर्णय सहकार चळवळीच्या मुळावर उठणारा

अकोला दिव्य न्युज ब्युरो : महाराष्ट्रातील महायुती सरकारचा घटकपक्ष असलेल्या प्रहार संघटनेचे अध्यक्ष आमदार बच्चू कडू यांचे अमरावती जिल्हा मध्यवर्ती बँकेतील अध्यक्षपद...

Recent Comments

error: Content is protected !!