Saturday, March 2, 2024
Home क्रीडा दबदबा तो है और दबदबा तो रहेगा ! ब्रिजभूषण सिंह यांच्या मुलाने...

दबदबा तो है और दबदबा तो रहेगा ! ब्रिजभूषण सिंह यांच्या मुलाने झळकावले पोस्टर

अकोला दिव्य न्युज ब्युरो : भारतीय कुस्ती महासंघ म्हणजेच WFI च्या निवडणुकीत ब्रिजभूषण शरणसिंहचे निकटवर्तीय संजय कुमारसिंह यांची नवीन अध्यक्ष म्हणून निवड झाली आहे. संजय कुमार सिंह यांच्या विजयानंतर त्यांची माजी WFI अध्यक्ष ब्रिजभूषण शरण सिंह यांनी भेट घेतली. माजी अध्यक्ष ब्रिजभूषण शरण सिंह यांनीही संजय कुमार सिंह यांच्या विजयाबाबत मोठे वक्तव्य केले आहे. भारतीय कुस्तीवरील ग्रहण लवकरच संपणार असल्याचे ब्रिजभूषण शरण सिंह यांनी म्हटले आहे. “हा माझा वैयक्तिक विजय नसून देशातील कुस्तीपटूंचा विजय आहे. मला आशा आहे की नवीन महासंघाच्या स्थापनेनंतर कुस्ती स्पर्धा पुन्हा सुरू होतील. 11 महिने कुस्तीवर लागलेले ग्रहण आता दूर होणार आहे, असे ब्रिजभूषण शरणसिंह म्हणाले.

दरम्यान, ब्रिजभूषण शरण सिंह यांचे सहकारी संजय कुमार सिंह यांचा विजय हा त्या कुस्तीपटूंसाठी मोठा धक्का मानला जात आहे, ज्यांनी ब्रिजभूषण शरण सिंह यांच्यावर लैंगिक शोषणाचे आरोप केले होते. मात्र, संजय कुमार सिंह यांच्या विजयानंतरही कुस्ती संघटनेतील ब्रिजभूषण शरण सिंह यांचा दबदबा कायम असल्याचे म्हटले जात आहे. दुसरीकडे, ब्रिजभूषण शरण सिंह यांचा मुलगा प्रतीक भूषण सिंह यानेही वडिलांच्या समर्थनार्थ पोस्टर झळकावले आहे. पोस्टरवर लिहिले आहे – दबदबा तो है-दबदबा तो रहेगा, यह तो भगवान ने दे रखा है !

संजय कुमार सिंह यांना 40 मते मिळाली
संजय कुमार सिंह यांनी प्रतिस्पर्धी अनिता शेओरान यांचा पराभव केला आहे. ब्रिजभूषण शरण सिंह यांनी यापूर्वीच दावा केला होता की, संजय सिंह कुस्ती संघटनेचे अध्यक्ष होतील. दरम्यान, भारतीय कुस्ती संघटनेच्या अध्यक्षपदाच्या निवडणुकीत संजय कुमार सिंह यांच्या पॅनलचे बहुतांश उमेदवार विजयी झाले आहेत. निवडणुकीत संजय कुमार सिंह यांना 40 तर, अनिता शेओरान यांना फक्त 7 मते मिळाली. मात्र अनित शेओरान यांच्या पॅनलने सरचिटणीसपदी बाजी मारली आहे. प्रेमचंद लोचब यांनी दर्शनलाल यांचा पराभव केला आहे.

मी कुस्ती सोडून देईन – साक्षी मलिक
ब्रिजभूषण शरण सिंह यांच्या विरोधात आंदोलन करणाऱ्या कुस्तीपटू साक्षी मलिक आणि विनेश फोगट यांनी संजय कुमार सिंह यांची भारतीय कुस्ती संघटनेच्या अध्यक्षपदी निवड झाल्याबद्दल नाराजी व्यक्त केले आहे. आम्ही 40 दिवस रस्त्यावर झोपलो आणि देशाच्या अनेक भागातून बरेच लोक आम्हाला पाठिंबा देण्यासाठी आले. ब्रिजभूषण शरण सिंह यांचा व्यावसायिक भागीदार आणि जवळचा सहकारी भारतीय कुस्ती संघटनेच्या अध्यक्षपदी निवडून आले आहेत. त्यामुळे मी कुस्ती सोडून देईन, असे साक्षी मलिक हिने म्हटले आहे. विनेश फोगट म्हणाली, अपेक्षा खूप कमी आहेत पण न्याय मिळेल अशी आशा आहे. कुस्तीचे भवितव्य अंधारात आहे. हे खेदजनक आहे. आपले दु:ख कोणाकडे मांडायचे ?

RELATED ARTICLES

48 व्या ज्युनीयर राष्ट्रीय कॅरम स्पर्धेत प्रभातच्या आयुष टेकामची बाजी

अकोला दिव्य न्युज ब्युरो : इनडोअर खेळांमध्ये कॅरम हा सर्वात प्रसिद्ध आणि अनेकांच्या आवडीचा खेळ. या खेळाच्या नुकत्याच झालेल्या राष्ट्रीय स्पर्धेत विदर्भाच्या...

‘प्रभात’ च्या बाल खेळाडूंनी पटकाविला स्पोर्ट कार्निवल चषक ! शहरातील 15 शाळांचा सहभाग

अकोला दिव्य न्युज ब्युरो : स्पोर्ट्स कार्निवल-2023-24 या आंतरशालेय क्रीडा स्पर्धा 5 जानेवारी रोजी आयोजित करण्यात आल्या होत्या. या स्पर्धामध्ये प्रभात किड्स...

अखेर भारतीय कुस्ती महासंघाची नवनिर्वाचित कार्यकारिणी बरखास्त

अकोला दिव्य न्युज ब्युरो : स्पर्धा आयोजित करताना नियमांचं उल्लंघन केल्याप्रकरणी भारतीय कुस्ती महासंघाची कार्यकारणी क्रीडा मंत्रालयाने बरखास्त केली आहे. तसंच, नवनियुक्त...

LEAVE A REPLY

Please enter your comment!
Please enter your name here

Most Popular

अकोल्यात विना वारसदारांची संपत्ती लूटणारी टोळी सक्रीय ! बनावट मृत्यूपत्र व खोटी तक्रारींचा आधार

अकोला दिव्य न्युज ब्युरो : शहरातील प्रतिष्ठीत, उच्चभ्रू वस्तीतील वारसदार नसलेली कोट्यावधी रुपयांची संपत्ती बनावट दस्तावेज करून हडपणारी टोळी अकोल्यात...

बच्चू कडू यांच्यासाठी चक्क कायद्यात बदल ! हा निर्णय सहकार चळवळीच्या मुळावर उठणारा

अकोला दिव्य न्युज ब्युरो : महाराष्ट्रातील महायुती सरकारचा घटकपक्ष असलेल्या प्रहार संघटनेचे अध्यक्ष आमदार बच्चू कडू यांचे अमरावती जिल्हा मध्यवर्ती बँकेतील अध्यक्षपद...

भाजप व्यापारी आघाडी प्रदेश समन्वयकपदी हरीश आलिमचंदाणी यांची निवड

अकोला दिव्य न्युज ब्युरो : महाराष्ट्रातील व्यापार उद्योग क्षेत्रातील विविध समस्या व त्यावरील उपाय योजना लागू करण्यासाठी कार्यरत भारतीय जनता पार्टी व्यापारी...

आज मुंबईत महाविकास आघाडीची बैठक ! वंचित बहुजन आघाडीचा प्रतिनिधी सहभागी होणार

अकोला दिव्य न्युज ब्युरो : आगामी लोकसभा निवडणुकीसाठी जागा वाटपासंदर्भात चर्चा करण्याकरता आणि अंतिम निर्णय घेण्याकरता आज मुंबईत महाविकास आघाडीची बैठक आयोजित...

Recent Comments

error: Content is protected !!