Tuesday, March 5, 2024
Home Uncategorized नारायणदास खंडेलवाल यांचं देहावसान : अकोल्याचा 'चिरतरूण' वर उद्या अंत्यसंस्कार

नारायणदास खंडेलवाल यांचं देहावसान : अकोल्याचा ‘चिरतरूण’ वर उद्या अंत्यसंस्कार

अकोला दिव्य न्युज ब्युरो : २१ व्या शतकातील युवापिढीला निरामय व सुदृढ शरीरासह जीवन जगण्याची ‘प्रेरणा’ देणारे, अकोला शहराचे ‘ चिरतरुण ‘ नारायणदास हिरालाल खंडेलवाल यांचे आज रविवार ३१ डिसेंबर रोजी सकाळी ३.३० वाजताच्या सुमारास अल्पशा आजाराने नागपूर येथे जीवनाच्या ९८ वर्षे २ महिने वयात निधन झाले. त्यांच्या मागे पत्नी पुष्पलता तसेच तीन मुले अरविंद, रवि, मनोज व मुलगी सीमा आणि भाऊ मोहनलाल व वसंतकुमार खंडेलवाल आणि नातनातवंडासह मोठे आप्तकुटुंब व मित्रपरिवार आहे.

आपल्या निरोगी जगण्याचं आणि जीवनाचं ‘शतक’ नारायणदास खंडेलवाल सहज करणारं असा सर्वांना विश्वास होता. पण काही दिवसांपूर्वी त्यांना ‘युरीन इन्फेक्शन’ झाले आणि नागपूर येथे यावर उपचार सुरू असताना, त्यांनी रुग्णालयात अखेरचा श्वास घेतला. नागपूर येथून आज रविवारी त्यांचे मृतदेह अकोल्यासाठी रवाना होणार आणि सायंकाळच्या सुमारास त्यांचा राहत्या निवासस्थानी पार्थिवदेह अंतिम दर्शनासाठी ठेवण्यात येईल. विदर्भातील प्रख्यात कापूस व्यावसायीक हिरालाल खंडेलवाल यांच्या कुटुंबात २६ ऑक्टोबर १९२६ रोजी नारायणदास खंडेलवाल यांचा जन्म झाला. प्राथमिक शिक्षणानंतर संयुक्त कुटुंबाच्या ‘पन्नालाल हिरालाल’ प्रतिष्ठानातील कापसाच्या व्यवसायात सहभागी होऊन त्यांनी जीवनाला सुरुवात केली.

वयाच्या १९ व्या वर्षात नारायणदास यांचा १ जानेवारी १९४५ रोजी पुप्षलता यांच्यासोबत विवाह झाला. तरुण वयापासूनच नियमित व्यायाम, संतुलित शाकाहार, दररोज सकाळी ६ किलो मीटर ‘वॉक’ हे त्यांनी जीवनाचे अविभाज्य भाग बनवले होते. सकारात्मक विचारसरणी आणि निरोगी जीवन पध्दतीचा अवलंब हा ‘चिरतरुण’ राहण्याचे मुलमंत्र असल्याचे ते सांगत असे. नारायणदास खंडेलवाल यांच्या ‘फिटनेस’बद्दल सर्वांना अप्रुप वाटत होते. मुंबई येथे वर्ष २०१४ मध्ये झालेल्या मॅरेथॉन स्पर्धेत वयाच्या ८९ वर्षात सहभागी होऊन त्यांनी आपली शारीरिक क्षमता कायम असल्याचे दाखवून दिले होते. याबद्दल त्यांना विशेष पुरस्कार प्रदान करण्यात आला होता.

कापूस व्यवसायातून कापसातील ‘स्टेपल’ ओळखण्यात ते तज्ज्ञ होते. कापूस व्यवसाय क्षेत्रासोबत शेवटपर्यंत जुडलेले खंडेलवाल यांना वर्ष २००२ मध्ये इंडियन प्रीमियर कॉटन ऑर्गनायझेशन ऑफ इंडिया, मुंबईकडून ‘लाईफ टाईम अचीव्हमेंट’ पुरस्काराने सन्मानित करण्यात आले आहे. त्यांच्या जीवन ‘शतक’ संबंधाने शानदार सोहळा आयोजित करण्याचें नियोजन केले जात होते.अशात
इंग्रजी नवीन वर्षाच्या पुर्वसंध्येला नारायणदास खंडेलवाल यांची ‘एक्झीट’ मनाला चटका लावून गेली असली तरी निरोगी ‘चिरतरुण’ म्हणून ते सदैव लक्षात राहणार आहेत.

RELATED ARTICLES

जैन संत आचार्य विद्यासागर महाराज यांचं निर्वाण ! जैन धर्मीयांवर शोककळा

जैन धर्मातील दिगंबर पंथियांचे संत आचार्य विद्यासागर महाराज यांचा वृद्धापकाळाने मृत्यू झाला आहे. रात्री २ वाजून ३५ मिनिटांनी त्यांची प्राणज्योत मालवली. छत्तीसगड...

अयोध्येतील राम मंदिरात दर्शन घेण्याचे नियम बदलले ! जाणून घ्या, नवी व्यवस्था.

अयोध्येत राम मंदिराचा प्राणप्रतिष्ठा सोहळा झाल्यानंतर रामभक्त रामललाचे दर्शन घेण्यासाठी गर्दी करताना दिसत आहेत. आतापर्यंत लाखो भाविकांनी रामदर्शन घेतले आहे. देशाच्या कानाकोपऱ्यातून...

रोज एक चमचा आल्याचं लोणचं खाल्ल्याने शरीराला काय मदत मिळू शकते?

वेगाने खाल्ल्यामुळे किंवा अधिक फायबरयुक्त आहारामुळे अनेकदा पचनात अडचण येऊ शकते. अपचनामुळे वायू तयार होऊन पोट फुगल्याचा त्रास सुद्धा होऊ शकतो. अशावेळी...

LEAVE A REPLY

Please enter your comment!
Please enter your name here

Most Popular

महाराष्ट्रातून कोण-कोण ? भाजपची शुक्रवारी बैठक : २३५ उमेदवारांवर विचार होण्याची शक्यता

अकोला दिव्य न्युज ब्युरो : दोन डझन राज्ये आणि केंद्रशासित प्रदेशांमधील उर्वरित सुमारे २३० जागांसाठी उमेदवार निश्चित करण्यासाठी भाजपच्या केंद्रीय निवडणूक समितीची...

अमित शाह अकोल्यात ! उद्या मंगळवारी सहा लाेकसभा मतदार संघांचा घेणार आढावा

अकोला दिव्य न्युज ब्युरो : आगामी एप्रिल महिन्यात हाेऊ घातलेल्या लाेकसभा निवडणुकीसाठी भाजपाने संचलन समिती गठीत केली आहे. या समितीकडून लाेकसभा मतदार...

अकोल्यात विना वारसदारांची संपत्ती लूटणारी टोळी सक्रीय ! बनावट मृत्यूपत्र व खोटी तक्रारींचा आधार

अकोला दिव्य न्युज ब्युरो : शहरातील प्रतिष्ठीत, उच्चभ्रू वस्तीतील वारसदार नसलेली कोट्यावधी रुपयांची संपत्ती बनावट दस्तावेज करून हडपणारी टोळी अकोल्यात...

बच्चू कडू यांच्यासाठी चक्क कायद्यात बदल ! हा निर्णय सहकार चळवळीच्या मुळावर उठणारा

अकोला दिव्य न्युज ब्युरो : महाराष्ट्रातील महायुती सरकारचा घटकपक्ष असलेल्या प्रहार संघटनेचे अध्यक्ष आमदार बच्चू कडू यांचे अमरावती जिल्हा मध्यवर्ती बँकेतील अध्यक्षपद...

Recent Comments

error: Content is protected !!