Wednesday, February 21, 2024
Home गुन्हेगारी अमरावतीत व्यावसायिकाला मुलीचे अश्लील फोटो व्हायरल करण्याची धमकी ! गुन्हा दाखल

अमरावतीत व्यावसायिकाला मुलीचे अश्लील फोटो व्हायरल करण्याची धमकी ! गुन्हा दाखल

अकोला दिव्य न्युज ब्युरो : पाच लाख रुपये दे; अन्यथा तुझ्या मुलीचे माझ्यासोबतचे अश्लील फोटो सोशल मीडियावर व्हायरल करेल, अशी धमकी देत एका व्यावसायिकाकडे खंडणी मागण्यात आली. तसेच ते फोटो व्यावसायिकाच्या पुतण्याच्या सोशल मीडियावरील आयडीवर पाठविण्यात आले. या प्रकरणी कोतवाली ठाण्याच्या हद्दीत उघडकीस आली. या प्रकरणी आरोपीविरुद्ध गुन्हा दाखल करण्यात आला आहे.

मिळालेल्या माहितीनुसार, अध्ययन चव्हाण रा. कानपूर, उत्तरप्रदेश असे गुन्हा दाखल करण्यात आलेल्या आरोपीचे नाव आहे. कोतवाली ठाण्याच्या हद्दीत राहणाऱ्या व्यावसायिकाच्या मुलीची आणि आरोपीची सोशल मीडियावर ओळख झाली होती. मात्र, त्यानंतर अध्ययन तिला त्रास देऊ लागला. त्यामुळे तिच्या व्यावसायिक वडिलांनी १५ डिसेंबर २०२३ रोजी अध्ययनशी मोबाइलद्वारे संपर्क साधला. त्यावर तुमच्या महिला नातेवाइकाचे आणि माझे खासगी फोटो माझ्याकडे आहेत. ते फोटो व्हायरल होऊ द्यायचे नसतील, तर दहा दिवसांत ५ लाख रुपये देण्याची मागणी त्याने केली. न दिल्यास ते फोटो सोशल मीडियावर व्हायरल करण्याची धमकी त्याने दिली. त्याला समजविण्याचा प्रयत्न केल्यावर त्याने त्यांना शिवीगाळ केली.

अध्ययन समजण्याच्या मानसिकतेत नसल्याने मला तुझ्या आईशी बोलायचे आहे, असे व्यावसायिकाने म्हटले. त्यावर अध्ययनने एका महिलेजवळ आई म्हणून मोबाईल दिला. तुमचा मुलगा अत्यंत चुकीचे वागत आहे, त्याला समजून सांगा, अशी विनंती त्यांनी केली. त्यावर त्या महिलेनेदेखील मेरा बेटा जैसे बोल रहा है, उतने पैसे लाकर दे दो, फिर मै उसको बोलती हू. नही तो वह फोटो व्हायरल कर देगा, अशी धमकी त्या महिलेने दिली.

मोबाइलवर बोलत असतानाच अध्ययनने व्यावसायिकाच्या पुतण्याच्या सोशल मीडियावरील आयडीवर त्यांच्या मुलीचे त्याच्यासोबत असलेले काही अश्लील फोटो पाठविले. आता तर ते फोटो केवळ तुझ्या नातेवाइकाच्या आयडीवर पाठविले. पाच लाख रुपये न दिल्यास ते सोशल मीडियावर व्हायरल करेन, अशी धमकी त्याने दिली. त्यानंतर अध्ययनने व्यावसायिक आणि त्यांच्या मुलीला वारंवार कॉल करून धमक्या दिल्या. अध्ययननचा त्रास वाढत चालल्याने व्यावसायिकाने अखेर कोतवाली ठाण्यात तक्रार दाखल केली.

RELATED ARTICLES

‘घायल’ चे दिग्दर्शक राजकुमार संतोषींना दोन वर्षांचा तुरुंगवास.

बॉलिवूडचे दिग्गज दिग्दर्शक अशी ओळख असलेल्या राजकुमार संतोषी यांच्या अडचणींमध्ये वाढ झाली आहे. जामनगर न्यायालयाने त्यांना दोन वर्षांची शिक्षा सुनावली आहे. चेक...

अकोल्यातील ‘कुरिअर मॅन’ची ६० लाखांची रोकड असलेली बॅग खासगी बसमधून लंपास

अकोला दिव्य न्युज ब्युरो : कुरिअर सर्व्हिसच्या माध्यमातून खासगी बसमधून पैसे घेऊन जात असताना चहा पाण्या साठी थांबलेल्या ठिकाणी ६० लाखांची रोकड...

अकोल्यात शाळेच्या छतावर एक अर्भक व काही अवशेष आढळले ! संशयाची सुई लेडी हॉर्डिंगकडे ?

अकोला दिव्य न्युज ब्युरो : जिल्हा परिषद अध्यक्षांच्या शासकीय निवासस्थानासमोरच असलेल्या, अडगळीत पडलेल्या जिल्हा परिषद उर्दू माध्यमिक विद्यालयाच्या गच्चीवर अर्भक आणि काही...

LEAVE A REPLY

Please enter your comment!
Please enter your name here

Most Popular

नवे आंदोलन ! सरकारची डोकेदुखी वाढणार: जरांगे पाटलांकडून मोठी घोषणा

अकोला दिव्य न्युज ब्युरो : जोपर्यंत कुणबी नोंदींबाबत काढलेल्या अधिसूचनेची अंमलबजावणी होत नाही, तोपर्यंत माघार घेणार नाही, अशी भूमिका मराठा आरक्षण आंदोलक...

बुलडाणा जिल्ह्यात ४०० जणांना विषबाधा ! सप्ताहानिमित्त भगर व आमटीचे भाविकांना वाटप

अकोला दिव्य न्युज ब्युरो : सप्हातानिमित्त करण्यात आलेल्या भगर, आमटीच्या प्रसादातून सुमारे ४०० जणांना विषबाधा झाल्याची घटना मंगळवारी (दि. २०) मध्यरात्री घडली....

रेडिओवरील ‘बहनों और भाईयो’ चा प्रसिद्ध आवाज हरपला !अमीन सयानी यांचे निधन

अकोला दिव्य न्युज ब्युरो : शैलीदार आणि रसाळ निवेदनाने संगीतप्रेमींच्या गळ्यातील ताईत बनलेले ज्येष्ठ निवेदक अमीन सयानी यांचे मंगळवारी रात्री रुग्णालयात निधन...

सत्य स्वीकारण्याचा ‘प्रामाणिकपणा’ आहे ? ‘उडदामाजी काळेगोरे’ हेच काय ते सत्य

गजानन सोमाणी • एडिटर इन चीफ : पश्चिम बंगालची राजधानी कोलकातापासून शंभरभर किलोमीटर पेक्षाही कमी अंतरावर असलेले संदेशखाली हे मागास ठिकाण. त्या...

Recent Comments

error: Content is protected !!