Friday, April 12, 2024
Home गुन्हेगारी अखेर फडणीस आर्थिक गुन्हे शाखेच्या जाळ्यात ! सहा जणांची ४७ लाखांनी फसवणूक"

अखेर फडणीस आर्थिक गुन्हे शाखेच्या जाळ्यात ! सहा जणांची ४७ लाखांनी फसवणूक”

अकोला दिव्य न्युज ब्युरो : भारत सरकारच्या पर्यटन विभागातील विविध योजनांमध्ये चांगली संधी उपलब्ध असल्याचे प्रलोभन देऊन सहा जणांची तब्बल ४७ लाख रुपयांनी फसवणूक करण्यात आली. याप्रकरणी अवधुतवाडी पोलीस ठाण्यात गुरुवार, १० ऑगस्ट २०२३ ला गुन्हे नोंद करण्यात आले होते. यातील अनिरुद्ध आनंदकुमार होशींग (३०, रा. वाराणसी, उत्तरप्रदेश) याला पोलिसांनी अटक केली होती. आज, मंगळवारी मीरा प्रकाश फडणीस (५५, रा. बालाजी सोसायटी, यवतमाळ) या महिलेला अटक करण्यात आली आहे.

याप्रकरणी सचिन अनील धकाते (रा. प्रजापती नगर, वडगाव) यांनी पोलीस ठाण्यात तक्रार दिली. तक्रारीनुसार, धकाते यांचा मंगल कार्यालय व चित्रपट निर्मितीचा व्यवसाय असून, ते मीरा फडणीस या महिलेला पाच वर्षांपासून ओळखतात. त्यांचा मित्र चेतन भिसे हा देखील महिलेच्या संपर्कात होता. त्यांचे कधीकधी फोनवर बोलणे व्हायचे. दरम्यान, फडणीस हिने आपली पर्यटन मंत्रालयाच्या निर्देश सल्लागार समितीत सदस्य म्हणून निवड झाल्याचे सांगितले. आपल्यासोबत पर्यटन विभागातील अधिकारी अनिरुद्ध होशिंग काम करीत असल्याचेही त्यांनी सांगितले. पर्यटन मंत्रालयाच्या खूप योजना असून, त्यात गुंतवणूक केल्यास आर्थिक फायदा होत असल्याचे वारंवार बिंबविले. होशींगसोबतची छायाचित्रे दाखवून फडणीस हिने विश्वास संपादन करीत सहा जणांची ४७ लाखांनी फसवणूक केली.

याप्रकरणी अवधुतवाडी पोलीस ठाण्यात दिलेल्या तक्रारीवरून, पोलिसांनी अनिरुद्ध होशींग आणि मीरा फडणीस यांच्यावर विविध कलमान्वये गुन्हे दाखल केले. पोलिसांनी होशींग याला अटक केली असून सध्या तो कारागृहात आहे, तर मंगळवारी पोलिसांनी मीरा फडणीस हिला अटक केली. या प्रकरणाचा पुढील तपास आर्थिक गुन्हे शाखेतील अधिकारी करीत आहे.

दरम्यान, या प्रकरणात पोलिसांवर मोठे राजकीय दडपण असल्याची चर्चा होती. शिवाय आरोपी महिला महाराष्ट्रातील एका बड्या सत्ताधारी राजकीय व्यक्तीचा प्रभाव टाकून आपल्यावरील कारवाई टाळत होती, असे सांगितले जाते. मात्र, पोलिसांनी फडणीस हिला अटक केल्याने फसवणूक झालेल्यांमध्ये समाधान व्यक्त होत आहे.

RELATED ARTICLES

कलियुगातील दानवीर ! 8 कंपन्यांनी मागील 4 वर्षांतील नफ्यापेक्षा जास्त रोखे केले दान

गजानन सोमाणी • एडिटर इन चीफ : सर्वोच्च न्यायालयाने निवडणूक रोखे योजना रद्द केल्यानंतर कोणत्या पक्षाला कोणी आणि किती देणगी दिली, यासंदर्भातील...

रवी शर्मा आत्महत्या प्रकरणात हॉटेल व्हीएसच्या संचालकावर गुन्हा दाखल : आराेपीचा नागपूरात शाेध

अकोला दिव्य न्युज ब्युरो : शुभम डेकाेरेटर्सचे संचालक व हाॅटेल व्हीएस इम्पेरियलचे रविंद्र उपाख्य रवी शर्मा यांच्या आत्महत्या प्रकरणात हाॅटेल व्हीएस इम्पेरियलचे...

२८ मार्चपर्यंत अरविंद केजरीवाल यांना ईडी कोठडी ! मद्य गैरव्यवहारप्रकरण

अकोला दिव्य न्युज ब्युरो : दिल्लीचे मुख्यमंत्री अरविंद केजरीवाल यांना दिल्ली राऊस एव्हेन्यु कोर्टाने २८ मार्चपर्यंत ईडी कोठडी सुनावली आहे. काल (२१...

LEAVE A REPLY

Please enter your comment!
Please enter your name here

Most Popular

राणांच्या अमरावतीत आतापासूनच मतदानाला सुरुवात; बॅलेट पेपर, ही नवी सुविधा काय? 

अकोला दिव्य न्युज ब्यूरो : कोणताही मतदार मतदानापासून वंचित राहू नये, या उद्देशाने आयोगाने यावर्षी प्रथमच ८५ वर्षांवरील मतदार आणि दिव्यांग मतदारांसाठी...

प्रख्यात जेष्ठ अभिनेते सयाजी शिंदे यांच्यावर साताऱ्यात झाली अँजिओप्लास्टी ! प्रकृती स्थिर

अकोला दिव्य न्युज ब्युरो : मराठीसह हिंदी व दाक्षिणात्य चित्रपटसृष्टी गाजवणारे ज्येष्ठ अभिनेते सयाजी शिंदेंच्या प्रकृतीबाबत मोठी माहिती समोर आली आहे. गुरुवार...

अबकी बार ‘दे-मार’ ! 100 दिवसात भाजपचा ऑनलाईन 76.87 कोटींचा खर्च : 2019 च्या तुलनेत खर्च तिप्पट

गजानन सोमाणी •एडिटर इन चीफ : सलग तिसऱ्यांदा देशातील केंद्रीय सत्तेत येण्याचा आत्मविश्वास बाळगणाऱ्या भारतीय जनता पक्षाने आक्रमक पवित्रा घेत, निवडणूक प्रचारात...

आता नागपूर-पुणे-नागपूर सुपरफास्ट समर स्पेशल आठवड्यातून तीन दिवस : आरक्षण सुरू

अकोला दिव्य न्युज ब्युरो : नागपूर-पुणे-नागपूर ही सुपरफास्ट समर स्पेशल ट्रेन आता आठवड्यातून दोन नव्हे तर तीन दिवस चालविण्याचा निर्णय मध्य रेल्वे...

Recent Comments