Friday, April 12, 2024
Home क्रीडा दारूण पराभव ! बजरंग पुनिया आणि रवी दहिया ऑलिम्पिकमधून बाहेर

दारूण पराभव ! बजरंग पुनिया आणि रवी दहिया ऑलिम्पिकमधून बाहेर

अकोला दिव्य न्युज ब्युरो : पॅरिस ऑलिम्पिक पात्रता फेरीसाठी आयोजित केलेल्या पात्रता फेरीत बजरंग पुनियाचा पराभव झाला आहे. ६५ किलो वजनी गटाच्या उपांत्य फेरीत पुनियाला रोहित कुमारने पराभूत केले. रवी दहियाला देखील पराभवाचा सामना करावा लागला आहे. त्यामुळे पॅरिस ऑलिम्पिकमध्ये सहभागी होण्याचे दोन्ही खेळाडूंचे स्वप्न भंगले आहे. स्टार कुस्तीपटू बजरंग पुनियाला मोठा धक्का बसला.

पॅरिस ऑलिम्पिक पात्रता स्पर्धेसाठी आयोजित राष्ट्रीय निवड चाचणीत पुनियाचा दारूण पराभव झाला. टोकियो ऑलिम्पिकमध्ये (२०२०) कांस्य पदक विजेत्या बजरंगला ६५ किलो फ्रीस्टाईल वजनी गटाच्या उपांत्य फेरीत रोहित कुमारने पराभूत केले. उपांत्य फेरीत रोहितने पुनियाचा ९-१ असा पराभव केला. तसेच टोकिया ऑलिम्पिकमधील रौप्य पदक विजेता खेळाडू रवी दहिया याला देखील पराभवाचा सामना करावा लागला. रवीला ५७ किलो फ्री स्टाईल वजनी गटात उदितने १०-८ अशा फरकाने पराभूत केले. त्यामुळे बजरंग आणि रवी दहिया हे आगामी ऑलिम्पिकमध्ये सहभागी होऊ शकणार नाहीत.

दरम्यान, बजरंग पुनियाला मागील वर्षी चीनमधील हांगझोऊ येथे पार पडलेल्या आशियाई क्रीडा स्पर्धेच्या उपांत्य फेरीत पराभव पत्करावा लागला होता. एवढेच नाही तर कांस्य पदकाच्या लढतीतही बजरंगला जपानी कुस्तीपटू के. यामागुचकडून १०-० असा पराभव स्वीकारावा लागला होता. त्याच्या पराभवानंतर सोशल मीडियावर अनेकांनी संताप व्यक्त केला. कारण त्याने आशियाई क्रीडा स्पर्धेत भाग घेण्यापूर्वी कोणत्याही स्पर्धात्मक स्पर्धेत भाग घेतला नव्हता. चाचणीशिवाय मोठ्या व्यासपीठावर खेळल्याने त्याच्यावर टीका झाली. भारतीय कुस्ती महासंघाचे माजी अध्यक्ष ब्रीजभूषण शरण सिंह यांच्या विरोधात आंदोलन करणाऱ्या पैलवानांमध्ये बजरंग पुनियाचा समावेश होता. 

RELATED ARTICLES

क्रीडा क्षेत्रात वर्षभर सन्मित्र स्कूलचा दबदबा कायम ! जवळपास १७६ विद्यार्थ्यांचा सहभाग

अकोला दिव्य न्युज ब्युरो : जिल्हा,राज्य व राष्ट्रीय पातळीवर वर्षभर घेण्यात आलेल्या विविध क्रीडा स्पर्धेत आपला दबदबा कायम ठेवून अनेक व विविध...

प्रभातची गार्गी ठरली देशात दुसर्‍या क्रमांकाची बॉक्सर राष्ट्रीय बॉक्सिंग स्पर्धेत रौप्य पदक

अकोला दिव्य न्युज ब्युरो : प्रभात किड्स स्कूलची बॉक्सर्स गार्गी राजेश राऊत हिने नोएडा उत्तरप्रदेशमध्ये झालेल्या तिसर्‍या सबज्युनीअर गर्ल्स राष्ट्रीय बॉक्सींग चॅम्पीयनशिपमध्ये...

बुध्दिबळ स्पर्धेत सारडा भावंडांनी मिळविले घवघवीत यश

अकोला दिव्य न्युज ब्युरो : एक दिवसीय जलद बुध्दिबळ स्पर्धेत ७ वर्ष वयोगटात इशान सारडा आणि ११ वर्ष वयोगटात विवान सारडा या...

LEAVE A REPLY

Please enter your comment!
Please enter your name here

Most Popular

राणांच्या अमरावतीत आतापासूनच मतदानाला सुरुवात; बॅलेट पेपर, ही नवी सुविधा काय? 

अकोला दिव्य न्युज ब्यूरो : कोणताही मतदार मतदानापासून वंचित राहू नये, या उद्देशाने आयोगाने यावर्षी प्रथमच ८५ वर्षांवरील मतदार आणि दिव्यांग मतदारांसाठी...

प्रख्यात जेष्ठ अभिनेते सयाजी शिंदे यांच्यावर साताऱ्यात झाली अँजिओप्लास्टी ! प्रकृती स्थिर

अकोला दिव्य न्युज ब्युरो : मराठीसह हिंदी व दाक्षिणात्य चित्रपटसृष्टी गाजवणारे ज्येष्ठ अभिनेते सयाजी शिंदेंच्या प्रकृतीबाबत मोठी माहिती समोर आली आहे. गुरुवार...

अबकी बार ‘दे-मार’ ! 100 दिवसात भाजपचा ऑनलाईन 76.87 कोटींचा खर्च : 2019 च्या तुलनेत खर्च तिप्पट

गजानन सोमाणी •एडिटर इन चीफ : सलग तिसऱ्यांदा देशातील केंद्रीय सत्तेत येण्याचा आत्मविश्वास बाळगणाऱ्या भारतीय जनता पक्षाने आक्रमक पवित्रा घेत, निवडणूक प्रचारात...

आता नागपूर-पुणे-नागपूर सुपरफास्ट समर स्पेशल आठवड्यातून तीन दिवस : आरक्षण सुरू

अकोला दिव्य न्युज ब्युरो : नागपूर-पुणे-नागपूर ही सुपरफास्ट समर स्पेशल ट्रेन आता आठवड्यातून दोन नव्हे तर तीन दिवस चालविण्याचा निर्णय मध्य रेल्वे...

Recent Comments