Friday, April 12, 2024
Home गुन्हेगारी आंतरराष्ट्रीय मुस्लीम विद्यार्थ्यांवर गुजरातमध्ये हल्ला, सोशल मीडियावर VIDEO व्हायरल

आंतरराष्ट्रीय मुस्लीम विद्यार्थ्यांवर गुजरातमध्ये हल्ला, सोशल मीडियावर VIDEO व्हायरल

अहमदाबादमधील गुजरात विद्यापीठात शिक्षण घेणाऱ्या मुस्लिम समाजातील आंतरराष्ट्रीय विद्यार्थ्यांवर जमावाने हल्ला केला आहे. या विद्यार्थ्यांनी विद्यापीठात नमाज अदा केल्याने त्यांच्यावर हल्ला झाल्याचा दावा केला जातोय. या हल्ल्याचे व्हिडिओ सोशल मीडियावर व्हायरल झाले असून संतापाची लाट उसळली आहे. फ्री प्रेस जर्नलने यासंदर्भातील वृत्त दिलं आहे.सार्वजनिक राज्य विद्यापीठाच्या वसतिगृहाच्या ‘ए’ ब्लॉकमध्ये झालेल्या हल्ल्यात पाच विद्यार्थी जखमी झाले आहेत. जखमी विद्यार्थ्यांना सरदार वल्लभभाई पटेल इन्स्टिट्यूट ऑफ मेडिकल सायन्सेस अँड रिसर्च हॉस्पिटलमध्ये दाखल करण्यात आले आहे.

व्हायरल झालेल्या व्हीडिओमध्ये जमावाने विद्यार्थ्यांच्या खोलीवर दगडफेक करून त्यांच्या वाहनांवर हल्ला केला. तसंच, वसतिगृहाच्या मालमत्तेची तोडफोड केली. हे विद्यार्थी आफ्रिका आणि मध्य आशियातील आहेत. ते म्हणाले, वसतिगृहाच्या खोलीत रमजान तारवीहनिमित्त नमाज पढत असताना आमच्यावर हल्ला झाला. रमजान महिन्यात, तारवीह नमाज ही विशेष प्रार्थना आहे, जी मुस्लिम समाजाकडून स्वेच्छेने केली जाते. ही प्रार्थना रात्रीच्या वेळी केली जाते.

एका व्हिडिओमध्ये भगवी शाल घातलेला एक व्यक्ती विद्यार्थ्यांना शिवीगाळ करताना आणि हिंदुत्वाच्या घोषणा देताना दिसत आहे. त्याने श्रीरामाच्या नावाच्याही घोषणा केल्या आहेत. वसतिगृहाचा सुरक्षा रक्षक जमावावर नियंत्रण मिळवण्याचा प्रयत्न करत होता. परंतु, त्याचा प्रयत्न असफल ठरला.पोलीस घटनास्थळी दाखल झाले होते. मात्र तोडफोड करणाऱ्यांवर कारवाई करण्यात आलेली नाही, असा दावाही पीडितांनी केला आहे. “पोलिसांनी त्यांना जाऊ दिलं. ते पळून जात होते! त्यांनी सर्व काही तोडले. ते निघून गेले. पोलिस त्यांना अटक करत नाहीत. हा लोकशाही देश आहे, हा धर्मनिरपेक्ष देश आहे”, असे एका विद्यार्थ्याने सांगितले.

पोलिसांनी काय सांगितलं?

गुजरात विद्यापीठात अज्ञात हल्लेखोरांनी परदेशी विद्यार्थ्यांवर हल्ला केल्यानंतर, अहमदाबादचे पोलिस आयुक्त जीएस मलिक म्हणाले, “सुमारे ३०० परदेशी विद्यार्थी गुजरात विद्यापीठात शिकतात आणि सुमारे ७५ परदेशी विद्यार्थी ए ब्लॉकमध्ये (वसतिगृहात) राहतात. काल (१६ मार्च) रात्री साडेदहा वाजता एक विद्यार्थ्यांचा एक गट नमाज अदा करत होता. सुमारे २०-२५ जण तिथे आले आणि त्यांनी येथे नमाज का अदा करत आहात, त्याऐवजी मशिदीतच नमाज पठण करा, अशी विचारणा केली. त्यांच्यात वादावादी झाली, दगडफेक झाली आणि बाहेरून आलेल्या लोकांनी त्यांच्या खोल्यांची तोडफोड केली. पोलिसांनी तत्परतेने कारवाई केली आणि २०-२५ जणांवर एफआयआर नोंदवला आहे. यामध्ये सहभागी असलेल्यांवर कारवाई केली जाईल. एकाची ओळख पटली आहे. कायदा व सुव्यवस्था आता नियंत्रणात आहे. श्रीलंका आणि ताजिकिस्तानमधील दोन विद्यार्थ्यांना रुग्णालयात दाखल करण्यात आले आहे

RELATED ARTICLES

कलियुगातील दानवीर ! 8 कंपन्यांनी मागील 4 वर्षांतील नफ्यापेक्षा जास्त रोखे केले दान

गजानन सोमाणी • एडिटर इन चीफ : सर्वोच्च न्यायालयाने निवडणूक रोखे योजना रद्द केल्यानंतर कोणत्या पक्षाला कोणी आणि किती देणगी दिली, यासंदर्भातील...

रवी शर्मा आत्महत्या प्रकरणात हॉटेल व्हीएसच्या संचालकावर गुन्हा दाखल : आराेपीचा नागपूरात शाेध

अकोला दिव्य न्युज ब्युरो : शुभम डेकाेरेटर्सचे संचालक व हाॅटेल व्हीएस इम्पेरियलचे रविंद्र उपाख्य रवी शर्मा यांच्या आत्महत्या प्रकरणात हाॅटेल व्हीएस इम्पेरियलचे...

२८ मार्चपर्यंत अरविंद केजरीवाल यांना ईडी कोठडी ! मद्य गैरव्यवहारप्रकरण

अकोला दिव्य न्युज ब्युरो : दिल्लीचे मुख्यमंत्री अरविंद केजरीवाल यांना दिल्ली राऊस एव्हेन्यु कोर्टाने २८ मार्चपर्यंत ईडी कोठडी सुनावली आहे. काल (२१...

LEAVE A REPLY

Please enter your comment!
Please enter your name here

Most Popular

राणांच्या अमरावतीत आतापासूनच मतदानाला सुरुवात; बॅलेट पेपर, ही नवी सुविधा काय? 

अकोला दिव्य न्युज ब्यूरो : कोणताही मतदार मतदानापासून वंचित राहू नये, या उद्देशाने आयोगाने यावर्षी प्रथमच ८५ वर्षांवरील मतदार आणि दिव्यांग मतदारांसाठी...

प्रख्यात जेष्ठ अभिनेते सयाजी शिंदे यांच्यावर साताऱ्यात झाली अँजिओप्लास्टी ! प्रकृती स्थिर

अकोला दिव्य न्युज ब्युरो : मराठीसह हिंदी व दाक्षिणात्य चित्रपटसृष्टी गाजवणारे ज्येष्ठ अभिनेते सयाजी शिंदेंच्या प्रकृतीबाबत मोठी माहिती समोर आली आहे. गुरुवार...

अबकी बार ‘दे-मार’ ! 100 दिवसात भाजपचा ऑनलाईन 76.87 कोटींचा खर्च : 2019 च्या तुलनेत खर्च तिप्पट

गजानन सोमाणी •एडिटर इन चीफ : सलग तिसऱ्यांदा देशातील केंद्रीय सत्तेत येण्याचा आत्मविश्वास बाळगणाऱ्या भारतीय जनता पक्षाने आक्रमक पवित्रा घेत, निवडणूक प्रचारात...

आता नागपूर-पुणे-नागपूर सुपरफास्ट समर स्पेशल आठवड्यातून तीन दिवस : आरक्षण सुरू

अकोला दिव्य न्युज ब्युरो : नागपूर-पुणे-नागपूर ही सुपरफास्ट समर स्पेशल ट्रेन आता आठवड्यातून दोन नव्हे तर तीन दिवस चालविण्याचा निर्णय मध्य रेल्वे...

Recent Comments