Friday, April 12, 2024
Home राजकारण राणा दाम्‍पत्‍याची चहूबाजूंनी कोंडी ! महायुतीतून आव्‍हान भाजपमधूनही विरोध

राणा दाम्‍पत्‍याची चहूबाजूंनी कोंडी ! महायुतीतून आव्‍हान भाजपमधूनही विरोध

अकोला दिव्य न्युज ब्युरो : भाजपची उमेदवारी गृहीत धरून प्रचाररथ वेगाने पुढे नेण्‍याच्‍या खासदार नवनीत राणा यांच्‍या प्रयत्‍नांना महायुतीमधून मिळालेले आव्‍हान आणि भाजपच्‍या स्‍थानिक नेत्‍यांच्‍या उघड विरोधामुळे खीळ बसली आहे. बच्‍चू कडूंनीही विरोधाची धार तीव्र केल्‍याने राणा दाम्‍पत्‍याची चहूबाजूंनी कोंडी झाली आहे.

गेल्‍या महिनाभरापासून नवनीत राणा यांच्‍या भाजप प्रवेशाची चर्चा आहे. पण, उमेदवारी अर्ज सादर करण्‍याची तारीख जवळ आली असतानाही प्रवेशाचा मुहूर्त ठरलेला नाही. आठवडाभरापूर्वी आमदार रवी राणा यांच्‍या युवा स्‍वाभिमान पक्षाच्‍या कार्यकर्त्‍यांचा मेळावा घेतला. भाजपकडून नवनीत राणा यांना कुठल्‍याही प्रकारचा प्रस्‍ताव आल्‍यास त्‍याला पक्ष पूर्णपणे पाठिंबा देईल, असा ठराव युवा स्‍वाभिमान पक्षाने पारीत केला. पण, महायुतीच्‍या सर्व नेत्‍यांना एका मंचावर आणून नवनीत राणा यांचा प्रचार करण्‍यास भाग पाडू, घटक पक्षातील नेत्‍यांनी विरोधात काम केल्‍यास कारवाई करण्‍यास सांगू, असा इशारा रवी राणांनी स्‍थानिक नेत्‍यांना दिला, त्‍यामुळे ठिणगी पडली.

महायुतीतील घटक असलेले प्रहार जनशक्‍ती पक्षाचे आमदार बच्‍चू कडू यांनी नवनीत राणा यांच्‍या उमेदवारीला थेट विरोध करीत स्‍वतंत्र लढण्‍याची घोषणा केली. मंगळवारी रात्री उशिरा बच्‍चू कडू यांनी मुंबईत मुख्‍यमंत्री एकनाथ शिंदे यांची भेट घेतली. नवनीत राणा या जर उमेदवार असतील, तर प्रहारचा महायुतीतून भाग पडण्‍याशिवाय पर्याय राहणार नाही, असा निर्वाणीचा इशाराच बच्‍चू कडू यांनी दिल्‍याने राणांच्‍या अडचणी वाढल्‍या आहेत.

दुसरीकडे, नवनीत राणा यांना उमेदवारी देऊ नका, अशी मागणी भाजपच्‍या वीसहून अधिक पदाधिकाऱ्यांनी उपमुख्‍यमंत्री देवेंद्र फडणवीस आणि भाजपचे प्रदेशाध्‍यक्ष चंद्रशेखर बावनकुळे यांच्‍याकडे केली आहे. मंगळवारी भाजपच्‍या स्‍थानिक नेत्‍यांनी दोन्‍ही नेत्‍यांची नागपुरात भेट घेतली. राणा दाम्‍पत्‍याच्‍या कार्यप्रणालीबाबत भाजपच्‍या पदाधिकाऱ्यांनी नाराजी व्‍यक्‍त केली. त्‍यांचा स्‍वभाव सर्वांना सोबत घेऊन चालणारा नाही. स्‍थानिक कार्यकर्ते पदाधिकाऱ्यांना विश्‍वासत घेतले जात नाही. त्‍यामुळे त्‍यांच्‍या उमेदवारीबाबत विचार व्‍हावा, अशी भूमिका भाजपच्‍या पदाधिकाऱ्यांनी मांडली. त्‍यामुळे भाजपमधील धुसफूस उघड झाली आहे.

RELATED ARTICLES

भाजपचं टार्गेट सेट : दिव्यांग आणि ८० वर्ष व त्यावरील वयस्कर मतदार ! मतदानासाठी व्युहरचना

अकोला दिव्य न्युज ब्युरो : भारतीय जनता पक्ष म्हणजे २४×७ 'इलेक्शन मोड' वरचा पक्ष, असं म्हटलं जातं, ते चुकीचेही नाही. लोकसभा निवडणुकीत...

नवनीत राणाचा भाजप नेते बावनकुळेंना टोला ! नवरा बायकोमध्ये बाहेरच्यांनी बोलू नये

माझे नेते नरेंद्र मोदी, अमित शाह आणि देवेंद्र फडणवीस आहेत. भाजपमध्ये जाण्याचा निर्णय मी स्वतः घेतला आहे. आमदार रवी राणा यांचा स्वाभिमान...

शेवटी सांगली ठाकरेंची ! मोठा निर्णय: मविआचा जागावाटपाचा फॉर्म्युला जाहीर, वाचा संपूर्ण यादी

लोकसभा निवडणुकीच्या पार्श्वभूमीवर राज्यात महाविकास आघाडीत सुरू असलेली जागावाटपाची चर्चा संपली असून आज मविआ नेत्यांनी संयुक्त पत्रकार परिषद घेत कोणता पक्ष किती...

LEAVE A REPLY

Please enter your comment!
Please enter your name here

Most Popular

राणांच्या अमरावतीत आतापासूनच मतदानाला सुरुवात; बॅलेट पेपर, ही नवी सुविधा काय? 

अकोला दिव्य न्युज ब्यूरो : कोणताही मतदार मतदानापासून वंचित राहू नये, या उद्देशाने आयोगाने यावर्षी प्रथमच ८५ वर्षांवरील मतदार आणि दिव्यांग मतदारांसाठी...

प्रख्यात जेष्ठ अभिनेते सयाजी शिंदे यांच्यावर साताऱ्यात झाली अँजिओप्लास्टी ! प्रकृती स्थिर

अकोला दिव्य न्युज ब्युरो : मराठीसह हिंदी व दाक्षिणात्य चित्रपटसृष्टी गाजवणारे ज्येष्ठ अभिनेते सयाजी शिंदेंच्या प्रकृतीबाबत मोठी माहिती समोर आली आहे. गुरुवार...

अबकी बार ‘दे-मार’ ! 100 दिवसात भाजपचा ऑनलाईन 76.87 कोटींचा खर्च : 2019 च्या तुलनेत खर्च तिप्पट

गजानन सोमाणी •एडिटर इन चीफ : सलग तिसऱ्यांदा देशातील केंद्रीय सत्तेत येण्याचा आत्मविश्वास बाळगणाऱ्या भारतीय जनता पक्षाने आक्रमक पवित्रा घेत, निवडणूक प्रचारात...

आता नागपूर-पुणे-नागपूर सुपरफास्ट समर स्पेशल आठवड्यातून तीन दिवस : आरक्षण सुरू

अकोला दिव्य न्युज ब्युरो : नागपूर-पुणे-नागपूर ही सुपरफास्ट समर स्पेशल ट्रेन आता आठवड्यातून दोन नव्हे तर तीन दिवस चालविण्याचा निर्णय मध्य रेल्वे...

Recent Comments