Tuesday, May 21, 2024
Home न्याय-निवाडा नवनीत राणा यांना 'सुप्रीम' दिलासा ! जात प्रमाणपत्र वैध, निवडणूक लढण्याचा...

नवनीत राणा यांना ‘सुप्रीम’ दिलासा ! जात प्रमाणपत्र वैध, निवडणूक लढण्याचा मार्ग मोकळा

अकोला दिव्य न्युज ब्युरो : अमरावतीच्या विद्यमान खासदार आणि महायुतीतील भाजप उमेदवार नवनीत कौर राणा यांना मोठा दिलासा मिळाला आहे. नवनीत राणांचं जात प्रमाणपत्र वैध असल्याचा निकाल सुप्रीम कोर्टाने दिलं आहे. राणांच्या जातीचा दाखला बनावट ठरवून तो रद्द करण्याचा मुंबई हायकोर्टाचा निर्णय सर्वोच्च न्यायालयाकडून रद्द करण्यात आला आहे. त्यामुळे नवनीत राणा यांचा अमरावती लोकसभा मतदारसंघातून भाजपच्या तिकिटावर निवडणूक लढवण्याचा मार्ग मोकळा झाला आहे.

जात पडताळणी समितीने सर्व बाबी तपासून जातीचा दाखला वैध ठरवण्याचा योग्य निर्णय दिला होता. त्यामुळे मुंबई हायकोर्टाने त्यात हस्तक्षेप करून आपल्या विशेषाधिकारात दिलेला निर्णय चुकीचा आहे, असे सुप्रीम कोर्टाने आपल्या निर्णयात म्हटले. न्यायमूर्ती जे. के. महेश्वरी व न्यायमूर्ती संजय करोल यांच्या खंडपीठाने नवनीत राणा यांच्या अपिलावर अंतिम सुनावणी २८ फेब्रुवारी रोजी पूर्ण करून राखून ठेवलेला निर्णय आज जाहीर केला.

काय आहे प्रकरण?
अमरावतीच्या अपक्ष खासदार नवनीत राणा यांचा अनुसूचित जातीचा दाखला बनावट आहे आणि तो गैर पद्धतीने मिळवण्यात आला आहे, असे मुंबई हायकोर्टाने ८ जून २०२१ रोजी दिलेल्या निर्णयात म्हटले होते. इतकेच नव्हे तर बेकायदा कृत्य केल्याबद्दल हायकोर्टाने त्यांना दोन लाख रुपयांचा दंडही ठोठावला होता. त्यामुळे नवनीत राणा यांची खासदारकी रद्द होण्याची वेळ आली होती. मात्र, त्यांनी काही दिवसांतच सुप्रीम कोर्टात अपिल केले. सुप्रीम कोर्टाने मुंबई हायकोर्टाच्या आदेशाला स्थगिती दिल्याने राणा यांची खासदारकी कायम राहिली. त्यानंतर साधारण अडीच वर्षांनंतर हा निर्णय आला आहे.

RELATED ARTICLES

रामदेव बाबांच्या पतंजलीची सोन पापडी गुणवत्ता चाचणीत फेल, तिघांना तुरुंगवास

अकोला दिव्य न्युज ब्युरो : फसव्या जाहिरातींप्रकरणी सर्वोच्च न्यायालयाच्या तडाख्यामुळे पतंजली आयुर्वेद लिमिटेड या कंपनीचे संस्थापक रामदेव आणि बाळकृष्ण अडचणीत आले आहेत....

‘CA’च्या परीक्षा वेळापत्रकानुसारच ! निवडणुकीमुळे काही पेपर पुढे ढकलण्यास ‘सुको’ चा नकार

अकोला दिव्य न्युज ब्युरो : सर्वोच्च न्यायालयाने मे महिन्यात होणाऱ्या चार्टर्ड अकाउंटन्सीच्या (सीए) परीक्षेचे काही पेपर पुढे ढकलण्याची विनंती करणाऱ्या याचिकेवर सुनावणी...

निवडणूक प्रक्रियेचं पावित्र्य राखा ! सर्वोच्च न्यायालयाने निवडणूक आयोगाला फटकारलं

अकोला दिव्य न्युज ब्युरो : 'निवडणूक प्रक्रियेचं पावित्र्य राखा”, असं म्हणत सुप्रीम कोर्टाने केंद्रीय निवडणूक आयोगाला चांगलं फटकारलं आहे. तसंच,...

LEAVE A REPLY

Please enter your comment!
Please enter your name here

Most Popular

अकोल्यात मुलीच हुश्शार ! बारावीच्या परीक्षेत जिल्ह्याचा निकाल ९३.३७ टक्के : मात्र अकोला तालुका शेवटी

अकोला दिव्य न्युज ब्युरो : राज्य शिक्षण मंडळाच्या वतीने इयत्ता बारावीचा निकाल २१ मे रोजी दुपारी १ वाजता जाहीर करण्यात आला. दरवर्षीप्रमाणे...

ट्रोलिंगने महिलेचा बळी ? चिमुकल्याच्या बचावाचा Video व्हायरल झाल्यानंतर आत्महत्या केल्याचा संशय!

अकोला दिव्य न्युज ब्युरो : ऑनलाईन ट्रोलिंगमुळे अनेकांना मनस्ताप सहन करावा लागल्याच्या घटना गेल्या काही काळात समोर आल्या आहेत. काही बाबतीत हे...

संपत्ती आणि सत्तेचा माज ! ‘ब्रह्मा ग्रुप’चे विशाल अग्रवालसह 4 जणांवर गुन्हा : पण.. प्रश्न कायमच

गजानन सोमाणी • एडिटर इन चीफ : संपत्ती,सत्ता कमविण्याचा प्रत्येकाला हक्क आहे. तो कसं कमवायचे हवा, हा अधिकार देखील आहे.पण याच सत्ता,...

विदर्भ विदर्भ नेत्रतज्ञ सोसायटीच्या अध्यक्षपदी डॉ. शिरीष थोरात तर सचिवपदी डॉ. श्रीराम लाहोळे

अकोला दिव्य न्युज ब्युरो : विदर्भ नेत्रतज्ञ सोसायटीच्या अध्यक्षपदी अकोला येथील नेत्रतज्ञ डॉ. शिरीष थोरात तर अकोला येथील नेत्रतज्ञ डॉ.श्रीराम लाहोळे यांची...

Recent Comments

error: Content is protected !!