Tuesday, May 21, 2024
Home ताज्या घडामोडी सरसंघचालक मोहन भागवत पंतप्रधान मोदी यांच्या नजरकैदेत ! खळबळजनक आरोप

सरसंघचालक मोहन भागवत पंतप्रधान मोदी यांच्या नजरकैदेत ! खळबळजनक आरोप

अकोला दिव्य न्युज ब्युरो : राष्ट्रीय स्वयंसेवक संघाचे सरसंघचालक मोहन भागवत पंतप्रधान नरेंद्र मोदी यांच्या नजरकैदेत आहे.चंद्रपूरचे रहिवासी असलेल्या संघ प्रमुख मोहन भागवत यांच्या घरी जावून विचारले पाहिजे तुम्हाला संविधान मान्य आहे की मनुस्मृती, संघाने स्वातंत्र्यानंतर संघ मुख्यालयावर तिरंगा ध्वज का फडकवला नाही असा प्रश्न करा असे ॲड. असीम सरोदे म्हणाले. तसेच २०२४ च्या लोकसभा निवडणुकीत खोटी आश्वासने देऊन जनतेची दिशाभूल करणाऱ्या भाजपला पराभूत करण्याचे आवाहन केले.चंद्रपूर येथील न्यू इंग्लिश स्कूलचे क्रीडांगणावर निर्भय बनो सभा पार पडली. सभेला ॲड. असीम सरोदे, डॉ. विश्वंभर चौधरी उपस्थित होते. प्रचंड प्रतिसाद मिळालेल्या या सभेला मार्गदर्शन करताना ॲड. सरोदे म्हणाले, आमचा लढा हा मोदी- शहा या व्यक्तीबद्दल नाही तर प्रवृत्ती विरुद्ध आहे.

देशात आणीबाणी लादली गेली ही चूक लक्षात आल्यानंतर बऱ्याच वर्षांनी माजी प्रधानमंत्री इंदिरा गांधी यांनी जनतेची जाहीर माफी मागितली होती. त्यांचे नातू राहुल गांधी यांनी देखील जाहीर माफी मागितली आहे. मात्र वारंवार खोटं बोलून, जनतेची दिशाभूल करून, महिलांवर बलात्कार, विनयभंग करणाऱ्या खासदारांना सोबत घेऊन, गैरव्यवहाराचे आरोप असलेल्या सोबत घेत हुकूमशाहीकडे देशाला घेऊन जाणारे मोदी साधी माफी मागायला तयार नाहीत. त्यामुळे २०२४ च्या लोकसभा निवडणूकीत भाजपच्या एकाही उमेदवाराला निवडून द्यायचे नाही. महाराष्ट्रात उजेड पसरविणाऱ्या चंद्रपुरातून भारतभर प्रकाश पसरला पाहिजे व अंधारमुक्त देश झाला पाहिजे असेही सरोदे म्हणाले.

महागाई, बेरोजगारी बद्दल मोदी बोलत नाही. विद्यार्थी मुलांच्या भविष्याशी सरकारने खेळ चालविला आहे. स्पर्धा परीक्षांचे ७० पेपर लीक झाले आहे. ४५ वर्षातील सर्वात मोठी बेरोजगारी आहे. प्रत्येक तासाला २ बेरोजगार आत्महत्या करीत आहे. शेतकरी आत्महत्या वाढल्या आहेत. षडयंत्र करून बँकेच्या माध्यमातून वळवत मोठा भ्रष्टाचार केला आहे असेही ते म्हणाले. विद्यार्थी, बेरोजगार, शेतकरी, दलीत समाज व महिला मोदी सरकार उलटवतील असा विश्वास व्यक्त केला. डॉ. विश्वंभर चौधरी यांनी महाराजांच्या माध्यमातून महाराष्ट्राचे उत्तरप्रदेशकरन सुरू असल्याची टीका केली. मोदी समर्थक हा अध्यात्मिक हिंदू नाही तर राजकीय हिंदू आहे. मूळ हिंदू विरुद्ध राजकीय हिंदू अशी ही लढाई आहे. ज्यांच्या डीग्रिचा पत्ता नाही ते विश्व गुरू बनले आहेत तर उच्च विद्या विभूषिताला मोनीबाबा व पप्पू ठरविले जात आहे असेही चौधरी म्हणाले.

प्रास्ताविक बंडू धोत्रे यांनी तर कार्यक्रमाचे सूत्रसंचालन डॉ. योगेश दुधापचारे यांनी केले. आभार उमाकांत धांडे यांनी मानले. कार्यक्रमाला काँग्रेस आमदार प्रतिभा धानोरकर, शहर अध्यक्ष रामु तिवारी, राष्ट्रवादी काँग्रेसचे अध्यक्ष राजेंद्र वैद्य, शिवसेना अध्यक्ष संदीप गिऱ्हे, भारतीय कम्युनिस्ट पक्षाचे पदाधिकारी, आम आदमी पक्षाचे जिल्हाध्यक्ष मयूर राईकवार, सुनील मुसळे यांच्यासह बहुसंख्य नागरिक उपस्थित होते.

RELATED ARTICLES

आता संघाची गरज नाही ! भाजप राष्ट्रीय अध्यक्ष नड्डा यांचं मोठं भाष्य : भाजपा आता स्वयंपूर्ण झाली आहे

अकोला दिव्य न्युज ब्युरो : भारतीय जनता पक्ष व राष्ट्रीय स्वयंसेवक संघ यांचं आपापसात नेमकं नातं कसं आहे? याबाबत अनेकदा चर्चा होताना...

ममता बॅनर्जी तुमची किंमत किती? माजी न्यायाधीश, भाजपा नेते अभिजीत गंगोपाध्याय यांचे आक्षेपार्ह विधान

अकोला दिव्य न्युज ब्युरो : कोलकाता उच्च न्यायालायचे न्यायाधीश आणि भाजपाचे उमेदवार अभिजीत गंगोपाध्याय यांनी पश्चिम बंगालच्या मुख्यमंत्री आणि तृणमूल काँग्रेसच्या प्रमुख...

पंतप्रधान मोदी म्हणतात,आमच्या घरीही ईद साजरी व्हायची ! माझ्या घरी सर्व मुस्लिम कुटुंबातून जेवण यायचे

अकोला दिव्य न्युज ब्युरो : माझ्या घराभोवती सर्व मुस्लिम कुटुंबे होती. आमच्या घरीही ईद साजरी व्हायची. इतर सणही साजरे केले जायचे. ईदच्या...

LEAVE A REPLY

Please enter your comment!
Please enter your name here

Most Popular

ट्रोलिंगने महिलेचा बळी ? चिमुकल्याच्या बचावाचा Video व्हायरल झाल्यानंतर आत्महत्या केल्याचा संशय!

अकोला दिव्य न्युज ब्युरो : ऑनलाईन ट्रोलिंगमुळे अनेकांना मनस्ताप सहन करावा लागल्याच्या घटना गेल्या काही काळात समोर आल्या आहेत. काही बाबतीत हे...

संपत्ती आणि सत्तेचा माज ! ‘ब्रह्मा ग्रुप’चे विशाल अग्रवालसह 4 जणांवर गुन्हा : पण.. प्रश्न कायमच

गजानन सोमाणी • एडिटर इन चीफ : संपत्ती,सत्ता कमविण्याचा प्रत्येकाला हक्क आहे. तो कसं कमवायचे हवा, हा अधिकार देखील आहे.पण याच सत्ता,...

विदर्भ विदर्भ नेत्रतज्ञ सोसायटीच्या अध्यक्षपदी डॉ. शिरीष थोरात तर सचिवपदी डॉ. श्रीराम लाहोळे

अकोला दिव्य न्युज ब्युरो : विदर्भ नेत्रतज्ञ सोसायटीच्या अध्यक्षपदी अकोला येथील नेत्रतज्ञ डॉ. शिरीष थोरात तर अकोला येथील नेत्रतज्ञ डॉ.श्रीराम लाहोळे यांची...

उद्या 12 वीचा निकाल जाहिर होणार ! गेल्यावर्षी राज्याचा निकाल ९१.२५ टक्के होता

अकोला दिव्य न्युज ब्युरो : केंद्रीय माध्यमिक शिक्षण मंडळ (सीबीएसई) आणि कौन्सिल फॉर द इंडियन स्कूल सर्टिफिकेट (सीआयएससीई) एक्झामिनेशनने (सीआयसीएसई) या शिक्षण...

Recent Comments

error: Content is protected !!