Tuesday, May 21, 2024
Home ताज्या बातम्या प्रख्यात जेष्ठ अभिनेते सयाजी शिंदे यांच्यावर साताऱ्यात झाली अँजिओप्लास्टी ! प्रकृती स्थिर

प्रख्यात जेष्ठ अभिनेते सयाजी शिंदे यांच्यावर साताऱ्यात झाली अँजिओप्लास्टी ! प्रकृती स्थिर

अकोला दिव्य न्युज ब्युरो : मराठीसह हिंदी व दाक्षिणात्य चित्रपटसृष्टी गाजवणारे ज्येष्ठ अभिनेते सयाजी शिंदेंच्या प्रकृतीबाबत मोठी माहिती समोर आली आहे. गुरुवार ११ एप्रिल रोजी त्यांच्यावर साताऱ्यात हृदय शस्त्रक्रिया पार पडली आहे. छातीत त्रास जाणवू लागल्यानंतर साताऱ्यातील एका खाजगी रुग्णालयात त्यांना दाखल करण्यात आलं होतं.

सयाजी शिंदे रुग्णालयात दाखल केल्यावर डॉक्टरांनी प्राथमिक तपासणी व काही चाचण्या केल्या. त्यामध्ये हृदयाच्या एका रक्तवाहिनीत ब्लॉक असल्याचं समजल्यानंतर सयाजी शिंदे यांच्यावर तात्काळ अँजिओप्लास्टी करण्यात आली. सध्या त्यांची प्रकृती व्यवस्थित असून दोन दिवसांत त्यांना डिस्चार्ज दिला जाणार असल्याचं डॉक्टरांनी सांगितलं आहे.अभिनेत्यांवर उपचार करणारे डॉ. सोमनाथ साबळे त्यांच्या प्रकृतीबद्दल म्हणाले, “सयाजी शिंदे यांना गेल्या काही दिवसांपासून छातीत काहीसा त्रास जाणवू लागल्याने त्यांनी माझ्याकडून काही रुटिन तपासण्या करून घेतल्या. त्यांच्या ECG मध्ये मला काही बदल जाणवले. याशिवाय त्यांच्या २-डी एको मध्ये हृदयातील एका छोट्या भागाची हालचाल थोडी कमी असल्याचं जाणवलं होतं. पुढे, त्यांची स्ट्रेस टेस्ट करण्यात आली त्यातही दोष आढळले. यामुळेच त्यांना अँजिओग्राफी करण्याचा सल्ला आम्ही दिला होता.

अँजिओग्राफी केल्यावर हृदयातील तीन रक्तवाहिन्यांपैकी दोन रक्तवाहिन्या पूर्णपणे नॉर्मल होत्या आणि उजव्या बाजूच्या रक्तवाहिनीमध्ये ९९ टक्के ब्लॉक आम्हाला आढळला. हा ब्लॉक रिस्की असल्याने या ब्लॉकची अँजिओप्लास्टी करण्यास त्यांनी तात्काळ संमती दिली. हृदयविकाराचा झटका येण्याआधी ते फार जागृत होते. त्यांनी सगळ्या गोष्टी सकात्मकतेने हाताळून वेळीच उपचार केले. आता त्यांची प्रकृती स्थिर असून लवकरच त्यांना घरी सोडण्यात येईल. आता त्यांच्या शरीरातील सगळ्या गोष्टी व रिपोर्ट्स स्टेबल आहेत. अशी माहिती डॉक्टरांनी माध्यमांना दिली आहे.

RELATED ARTICLES

अकोल्यातील कॉंग्रेसचे साजिद खान पठाणवर गुन्हा दाखल ! मौलवींना शिवीगाळ व ॲड. आंबेडकरांना अपशब्द वापरले

अकोला दिव्य न्युज ब्युरो : मुस्लिम समाजाचे धर्मगुरू मौलवी यांना शिवीगाळ करून ॲड. प्रकाश आंबेडकरांविषयी अपशब्द वापरल्याप्रकरणी काँग्रेसचे साजिद खान पठाण यांच्यावर...

मोठी बातमी ! भाजपला 233 जागा तर एनडीएला 268 : महाराष्ट्रात NDA ला 20 जागांचा फटका ; योगेंद्र यादव यांचं भाकित

अकोला दिव्य न्युज ब्युरो : yogendra yadav prediction on bjp : सध्याच्या लोकसभा निवडणुकीच विश्लेषण करीत राजकीय विश्लेषक योगेंद्र यादव यांनी त्यांच्या...

Big News ! केजरीवालांना दिलासा : सर्वोच्च न्यायालयाकडून १ जूनपर्यंत अंतरिम जामीन मंजूर

Kejariwal Interim Beail अकोला दिव्य न्युज ब्युरो: दिल्लीतील कथित मद्य धोरण घोटाळ्याप्रकरणी दिल्लीचे मुख्यमंत्री केजरीवाल यांना दिलासा मिळाला आहे. सर्वोच्च न्यायालयाने...

LEAVE A REPLY

Please enter your comment!
Please enter your name here

Most Popular

ट्रोलिंगने महिलेचा बळी ? चिमुकल्याच्या बचावाचा Video व्हायरल झाल्यानंतर आत्महत्या केल्याचा संशय!

अकोला दिव्य न्युज ब्युरो : ऑनलाईन ट्रोलिंगमुळे अनेकांना मनस्ताप सहन करावा लागल्याच्या घटना गेल्या काही काळात समोर आल्या आहेत. काही बाबतीत हे...

संपत्ती आणि सत्तेचा माज ! ‘ब्रह्मा ग्रुप’चे विशाल अग्रवालसह 4 जणांवर गुन्हा : पण.. प्रश्न कायमच

गजानन सोमाणी • एडिटर इन चीफ : संपत्ती,सत्ता कमविण्याचा प्रत्येकाला हक्क आहे. तो कसं कमवायचे हवा, हा अधिकार देखील आहे.पण याच सत्ता,...

विदर्भ विदर्भ नेत्रतज्ञ सोसायटीच्या अध्यक्षपदी डॉ. शिरीष थोरात तर सचिवपदी डॉ. श्रीराम लाहोळे

अकोला दिव्य न्युज ब्युरो : विदर्भ नेत्रतज्ञ सोसायटीच्या अध्यक्षपदी अकोला येथील नेत्रतज्ञ डॉ. शिरीष थोरात तर अकोला येथील नेत्रतज्ञ डॉ.श्रीराम लाहोळे यांची...

उद्या 12 वीचा निकाल जाहिर होणार ! गेल्यावर्षी राज्याचा निकाल ९१.२५ टक्के होता

अकोला दिव्य न्युज ब्युरो : केंद्रीय माध्यमिक शिक्षण मंडळ (सीबीएसई) आणि कौन्सिल फॉर द इंडियन स्कूल सर्टिफिकेट (सीआयएससीई) एक्झामिनेशनने (सीआयसीएसई) या शिक्षण...

Recent Comments

error: Content is protected !!