Sunday, June 16, 2024
Homeताज्या घडामोडीगौरक्षणवासीयांचा कलेक्टर व आयुक्तांना संतप्त सवाल ! परिसरातील शांतता व सुव्यवस्था धोक्यात...

गौरक्षणवासीयांचा कलेक्टर व आयुक्तांना संतप्त सवाल ! परिसरातील शांतता व सुव्यवस्था धोक्यात का आणता ?

अकोला दिव्य न्युज ब्युरो : शहरातील रहिवासी वस्तीमधील शांतता व सुव्यवस्था अबाधित राखण्याची जबाबदारी पोलिस विभागासह मनपा प्रशासनाची असताना, शहराच्या आदर्श कॉलनी वसाहतीत हॉकर्स झोन तयार करण्याचे कारण काय ? खुले नाट्यगृहच्या बाजूने मुख्य बाजारपेठेतील हॉकर्स झोनच यशस्वी झाले नाही. तेव्हा रहिवासी वस्तीत ही उठाठेव का? गौरक्षण रोड व या भागातील जमीनीचे भाव सर्वात जास्त असून, मुख्य रस्ता व परिसरात अतिक्रमण नगण्य आहे. मग येथे गरज काय ? हा महत्त्वाचा मुद्दा असून, गौरक्षण रोड या सिव्हीलियन वस्तीतील हॉकर्स झोनमध्ये बाजारपेठेतील अतिक्रमणकर्त्यांना जागा देण्याचा हा मोठा डाव असल्याची चर्चा मनपा कर्मचाऱ्यांमध्ये सुरू आहे.कालांतरणाने हॉकर्स झोनमध्ये पक्कं बांधकाम झाले तर नवल वाटायला नको!

मनपा प्रशासनाकडून खुले नाट्यगृहच्या बाजूने अकोला मनपाचे तत्कालीन आयुक्त रोकडे यांच्या कार्यकाळात हॉकर्स झोन तयार करण्यात आले होते. त्यानंतर अनेकवेळा मनपा आवार भिंतीलगत व बाजारपेठेतील रस्त्यावरील अतिक्रमणकर्त्याना येथे आणले गेले. जागेचे आवंटन केले गेले आहे.‌पण काही दिवसांनी गाशा गुंडाळून ठेवले गेले. यंदा गेलेल्या दिवाळीच्या सुमारास एका आमदारांच्या विकास निधीतून ६० लाख रुपये खर्च करून त्या हॉकर्स झोनला सुसज्ज केले. पण आज ते ओस पडले आहेत.

मुख्य बाजारपेठेतीलच हॉकर्स झोनच यशस्वी होत नसताना केवळ आर्थिक लाभ पदरात पाडून घेण्यासाठी, रहिवासी वापर दर्जा बदल केला गेला आहे.या दर्जा बदल व नवीन विकास आराखड्यात प्रस्तावित हॉकर्स झोनवर रहिवाशांनी हरकत घेत आदर्श कॉलनी परिसरातील नागरिकांनी मनपा आयुक्त सुनील लहाने यांना निवेदन देऊन केली.

महानगराच्या विकास आराखडा बाबत नवीन प्रस्तावित विकास आराखडा मध्ये विविध मुदतीच्या आत हरकती मागविण्यात आल्या होत्या. मात्र सदर हरकतीवर अद्याप सुनावणी घेण्यात आलेली नाही. 1977 व 2004 मध्ये मंजूर झालेल्या विकास आराखड्यात सदरचा घोडदौड रस्ता कायम होता. पण नवीन विकास आराखड्यात मनपा प्रशासनाने या परिसरात हा हॉकर्स झोन निर्माण करण्याची योजना आखली आहे.या मुळे नागरिकांना विविध अडचणीचा सामना करावा लागणार असून या झोनमुळे या भागातील शांतता व सुव्यवस्था धोक्यात आल्यावीना राहणार नाही.

मागील 23 वर्षापासून सदर घोडदौड रस्त्याचा विकास सुद्धा मनपा प्रशासनाने केलेला नाही. वास्तविक १०० वर्षाचा विचार करून रस्त्याची रुंदी एमआरटीपी नुसार निश्चित होत असते. परंतु मनपा प्रशासन मागील 2001 पासून विकासाच्या नावावर विकास आराखड्यातील रस्त्याचे रुंदी कमी करण्याचा प्रयत्न करीत असल्याचे नागरिकांनी निवेदनात नमूद केले.सबब आदर्श कॉलनी परिसरातील नागरिकांच्या या हरकतीवर तात्काळ निर्णय घेऊन येथील प्रस्तावित हॉकर्स झोन रद्द करून घोडदौड रस्त्याचा विकास करण्याची मागणी निवेदनात करण्यात आली.

निवेदन देतांना प्रदीप वखारीया, अजय गावंडे, प्राजक्ता प्रधान, मनिष शेंडे,अभिषेक ताकवाले, शशी पुरवार आदी उपस्थित होते. निवेदनावर परिसरातील निवृत्ती पाटील, प्रशांत इंगळे, मधुकर गायकवाड, डॉ सुरेंद्र पावडे, दृष्यांत इंगळे, शंकर लंगोटे, शरद वानखडे, प्रवीण काळे, पूजा काळे, सागर प्रधान, धनंजय भगत, रवींद्र भुईभार, पांडुरंग हातोलकर, सुभाष काशीद, नितीन बारड, नितीन खर्चे, दिवाकर गावंडे, विकास अग्रवाल, राजेंद्र भुईभार, मिनाक्षी भुईभार, वर्षा भुईभार, विजय कोरपे, राजेश खत्री, सोनल खंडेलवाल, राजेश खत्री, जागृती खत्री, सरोज पारसकर, सुधीर पुरवार, दिनकर जाधव, रेखा शुक्ला, बिशनदास राजदेव, प्रेरणा खटोड, प्रिया खबराणी, योगेश भोयार, गंगाधर शर्मा,बाबुराव पळसपगार, आनंद जवळकार, अभिजीत ताकवले, अजय मालपाणी, मयूर भामरे, चंद्रकांत मानकर, संदेश राठी, अनिल नागरे, रोहित चांडक, जय सोनाग्रा, संजय गोहेल, सुरज काबरा, जितेंद्र विसपुते, अमर भाटिया, उमेश पाटेकर, ललित तिवारी, विकी ठाकूर, दिलीप गोयल, मुरलीधर लाखाडे, डॉ सुरेश तारे,एम आर खान, डॉ. के.पी केदार, संजय तुलशान, डॉ दिनकर माहोरे, सुभाष मोहोरे आदींच्या स्वाक्षऱ्या आहेत.

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments

error: Content is protected !!