Tuesday, May 21, 2024
Home ताज्या बातम्या मोठी बातमी ! भाजपला 233 जागा तर एनडीएला 268 : महाराष्ट्रात...

मोठी बातमी ! भाजपला 233 जागा तर एनडीएला 268 : महाराष्ट्रात NDA ला 20 जागांचा फटका ; योगेंद्र यादव यांचं भाकित

अकोला दिव्य न्युज ब्युरो : yogendra yadav prediction on bjp : सध्याच्या लोकसभा निवडणुकीच विश्लेषण करीत राजकीय विश्लेषक योगेंद्र यादव यांनी त्यांच्या अधिकृत एक्स (ट्विटर) हँडलवर पोस्ट केलेल्या व्हिडीओमध्ये त्यांनी भारतीय जनता पक्षाला किंवा एनडीए अर्थात नॅशनल डेमोक्रॅटिक अलांयंसला स्पष्ट बहुमत मिळणार नसल्याचा अंदाज वर्तवला आहे. गेल्या निवडणुकीत किती जागा मिळाल्या आणि या निवडणुकीत त्यांची कामगिरी कशी राहील? यासंदर्भात योगेन्द्र यादव यांनी भाकित वर्तवलं असून, याबाबत पोस्ट केलेल्या व्हिडिओत सविस्तर विश्लेषण केले आहे.

एनडीएला स्पष्ट बहुमत नाही ?
भाजपप्रमाणे संपूर्ण एनडीएही बहुमताच्या जादुई आकड्यांपेक्षा कमी कामगिरी करू शकेल, असं योगेंद्र यादव यांचं मत आहे. भाजपाला बहुमत मिळणार नाही. भाजपा २७२ जागांच्या खूप खाली आहे. एनडीएही २७२ जागांच्या जादुई आकड्यांपेक्षा खाली जाण्याची शक्यता आहे, असं शेअर केलेल्या व्हिडीओमध्ये सांगत आहेत.२०१९ला भाजपाला ३०३ जागा मिळाल्या, एनडीएला ३५३ मिळाल्या. मात्र, यंदा या जागांमध्ये तब्बल ९० ते १०० जागांची घट होईल, असा अंदाज योगेंद्र यादव यांनी वर्तवला आहे. तसेच, भाजपा ४०० पार जागा मिळवेल, हा अपप्रचार असून मतदारांनी त्याला बळी पडू नये, असं आवाहनही त्यांनी केलं आहे.

काय आहे योगेंद्र यादव यांचं गणित?
योगेंद्र यादव यांच्या राज्यनिहाय विश्लेषणात कर्नाटकमध्ये २८ लोकसभा जागांपैकी २६ एनडीएकडे आहेत. पण तिथे किमान १० जागांचं नुकसान होईल. राजस्थान आणि गुजरातमध्ये मिळून ५१ पैकी ५१ जागा एनडीएकडे आहेत. पण दोन्ही राज्यांमध्ये मिळून किमान १० जागांवर एनडीएचं नुकसान होईल, असं योगेंद्र यादव म्हणाले.

महाराष्ट्रात किती जागा मिळणार ?
दरम्यान, महाराष्ट्रातील राजकीय समीकरणं कमालीची गुंतागुंतीची झाली आहेत. त्यामुळे राज्यात नेमकं काय चित्र असेल? याविषयी अनेकांच्या मनात तर्क-वितर्क चालू आहेत. महाराष्ट्रात ४८ पैकी ४२ जागा एनडीएकडे आहेत. पण येथे किमान २० जागा एनडीए गमावेल, असं भाकित योगेंद्र यादव यांनी वर्तवलं आहे.

हरियाणा, पंजाब, चंदीगड, हिमाचल प्रदेश, दिल्ली या सगळ्या राज्यांत मिळून एनडीएचं किमान १० जागांचं नुकसान होईल, तर छत्तीसगड, झारखंड आणि मध्य प्रदेश मिळून १० जागांचं नुकसान होईल, असं गणित यादव यांनी मांडलं आहे.

उत्तर प्रदेश, उत्तराखंड मिळून ६९ जागा एनडीएकडे आहेत. पण त्यात किमान १५ जागा एनडीए गमावेल. शिवाय, बिहारमध्ये ४० पैकी ३९ जागांवर एनडीए आहे. पण तिथेही एनडीएचं किमान १५ जागांचं नुकसान होईल. पूर्वेकडे पश्चिम बंगाल, पूर्ण नॉर्थ-इस्ट आणि इतर केंद्रशासित प्रदेश मिळून किमान १० जागांचं एनडीएचं नुकसान होईल, असा अंदाज योगेंद्र यादव यांनी या व्हिडीओच्या माध्यमातून वर्तवला आहे.

भाजपाचं एकूण ७५ जागांचं नुकसान !
दरम्यान, या सर्व राज्यांमध्ये मिळून भारतीय जनता पक्षाला एकूण ७५ जागांचा फटका बसू शकतो, असं योगेंद्र यादव यांना वाटतंय. तर मित्रपक्षांसह एनडीएच्या तब्बल १०० जागा कमी होऊ शकतील, असं ते म्हणाले.या सर्व आकडेमोडीच्या पार्श्वभूमीवर आजच्या स्थितीनुसार भाजपाला २३३ जागा मिळतील. अर्थात, सध्या हातात असलेल्या ३०३ जागांमधल्या ७० जागांचं नुकसान. तर मित्रपक्षांना आजच्या हिशेबाने ३५ जागा मिळतील. त्यामुळे एनडीएला साधारण २६८ जागा मिळू शकतील. त्यामुळे संपूर्ण एनडीएला आजच्या स्थितीत तरी किमान बहुमत मिळणार नाही, असं ते म्हणाले.

RELATED ARTICLES

अकोल्यातील कॉंग्रेसचे साजिद खान पठाणवर गुन्हा दाखल ! मौलवींना शिवीगाळ व ॲड. आंबेडकरांना अपशब्द वापरले

अकोला दिव्य न्युज ब्युरो : मुस्लिम समाजाचे धर्मगुरू मौलवी यांना शिवीगाळ करून ॲड. प्रकाश आंबेडकरांविषयी अपशब्द वापरल्याप्रकरणी काँग्रेसचे साजिद खान पठाण यांच्यावर...

Big News ! केजरीवालांना दिलासा : सर्वोच्च न्यायालयाकडून १ जूनपर्यंत अंतरिम जामीन मंजूर

Kejariwal Interim Beail अकोला दिव्य न्युज ब्युरो: दिल्लीतील कथित मद्य धोरण घोटाळ्याप्रकरणी दिल्लीचे मुख्यमंत्री केजरीवाल यांना दिलासा मिळाला आहे. सर्वोच्च न्यायालयाने...

उद्या शासकीय कार्यालयांना अक्षय तृतीयेची सुट्टी : सलग तीन दिवस शासकीय कार्यालय कुलुप बंद

अकोला दिव्य न्युज ब्युरो : साडे तीन मुहूर्तांपैकी एक सर्वश्रेष्ठ मुहूर्त असलेली अक्षय तृतीयेचा सण उद्या शुक्रवार १० मे रोजी साजरा...

LEAVE A REPLY

Please enter your comment!
Please enter your name here

Most Popular

ट्रोलिंगने महिलेचा बळी ? चिमुकल्याच्या बचावाचा Video व्हायरल झाल्यानंतर आत्महत्या केल्याचा संशय!

अकोला दिव्य न्युज ब्युरो : ऑनलाईन ट्रोलिंगमुळे अनेकांना मनस्ताप सहन करावा लागल्याच्या घटना गेल्या काही काळात समोर आल्या आहेत. काही बाबतीत हे...

संपत्ती आणि सत्तेचा माज ! ‘ब्रह्मा ग्रुप’चे विशाल अग्रवालसह 4 जणांवर गुन्हा : पण.. प्रश्न कायमच

गजानन सोमाणी • एडिटर इन चीफ : संपत्ती,सत्ता कमविण्याचा प्रत्येकाला हक्क आहे. तो कसं कमवायचे हवा, हा अधिकार देखील आहे.पण याच सत्ता,...

विदर्भ विदर्भ नेत्रतज्ञ सोसायटीच्या अध्यक्षपदी डॉ. शिरीष थोरात तर सचिवपदी डॉ. श्रीराम लाहोळे

अकोला दिव्य न्युज ब्युरो : विदर्भ नेत्रतज्ञ सोसायटीच्या अध्यक्षपदी अकोला येथील नेत्रतज्ञ डॉ. शिरीष थोरात तर अकोला येथील नेत्रतज्ञ डॉ.श्रीराम लाहोळे यांची...

उद्या 12 वीचा निकाल जाहिर होणार ! गेल्यावर्षी राज्याचा निकाल ९१.२५ टक्के होता

अकोला दिव्य न्युज ब्युरो : केंद्रीय माध्यमिक शिक्षण मंडळ (सीबीएसई) आणि कौन्सिल फॉर द इंडियन स्कूल सर्टिफिकेट (सीआयएससीई) एक्झामिनेशनने (सीआयसीएसई) या शिक्षण...

Recent Comments

error: Content is protected !!